ക​ന​ത്ത ചൂ​ടി​നൊ​പ്പം പൊ​ടി​ക്കാ​റ്റും; ഖ​ത്ത​റി​ൽ ജാ​ഗ്രത നിർദ്ദേശം

ക​ന​ത്ത ചൂ​ടി​നൊ​പ്പം പൊ​ടി​ക്കാ​റ്റും വീ​ശി​യ​ടി​ച്ച് ഖ​ത്ത​റി​ൽ അ​സാ​ധാ​ര​ണ കാ​ലാ​വ​സ്ഥാ മാ​റ്റം. ക​ഴി​ഞ്ഞ ദി​വ​സ​ങ്ങ​ളി​ലെ കാ​ലാ​വ​സ്ഥ വി​ഭാ​ഗം മു​ന്ന​റി​യി​പ്പു​ക​ൾ ശ​രി​വെ​ച്ചു​കൊ​ണ്ടാ​യി​രു​ന്നു ചൊ​വ്വാ​ഴ്ച രാ​വി​ലെ​മു​ത​ൽ രാ​ജ്യ​ത്തി​ന്റെ വി​വി​ധ ഭാ​ഗ​ങ്ങ​ളി​ൽ പൊ​ടി​യോ​ടു​കൂ​ടി കാ​റ്റ് വീ​ശി​ത്തു​ട​ങ്ങി​യ​ത്. രാ​ത്രി​യും ഇ​തേ കാ​ലാ​വ​സ്ഥ​ത​ന്നെ തു​ട​ർ​ന്നു. പ്ര​തി​കൂ​ല കാ​ലാ​വ​സ്ഥ​യി​ൽ മു​ൻ​ക​രു​ത​ലു​ക​ൾ സ്വീ​ക​രി​ക്ക​ണ​മെ​ന്ന നി​ർ​ദേ​ശ​വു​മാ​യി വി​വി​ധ മ​ന്ത്രാ​ല​യ​ങ്ങ​ളും വി​ഭാ​ഗ​ങ്ങ​ളും രം​ഗ​ത്തെ​ത്തി. തൊ​ഴി​ലാ​ളി​ക​ൾ ആ​വ​ശ്യ​മാ​യ മു​ൻ​ക​രു​ത​ലു​ക​ൾ സ്വീ​ക​രി​ക്ക​ണ​മെ​ന്ന് തൊ​ഴി​ൽ​മ​ന്ത്രാ​ല​യം നി​ർ​ദേ​ശം ന​ൽ​കി. ആ​രോ​ഗ്യ, സു​ര​ക്ഷ മാ​ർ​ഗ​നി​ർ​ദേ​ശ​ങ്ങ​ൾ പാ​ലി​ക്ക​ണം.

വി​ദ്യാ​ർ​ഥി​ക​ളു​ടെ കാ​ര്യ​ത്തി​ൽ ര​ക്ഷി​താ​ക്ക​ൾ, അ​ധ്യാ​പ​ക​ർ, സ്കൂ​ൾ ജീ​വ​ന​ക്കാ​ർ എ​ന്നി​വ​ർ കൂ​ടു​ത​ൽ സൂ​ക്ഷ്മ​ത പാ​ലി​ക്ക​ണ​മെ​ന്ന് വി​ദ്യാ​ഭ്യാ​സ ഉ​ന്ന​ത വി​ദ്യാ​ഭ്യാ​സ മ​ന്ത്രാ​ല​യ​വും നി​ർ​ദേ​ശി​ച്ചു. അ​നാ​വ​ശ്യ​മാ​യി പു​റ​ത്തി​റ​ങ്ങു​ന്ന​ത് ഒ​ഴി​വാ​ക്കു​ക, പു​റ​ത്തേ​ക്ക് പോ​കു​മ്പോ​ൾ മാ​സ്ക് അ​ണി​യു​ക, ക​ണ്ണു​ക​ൾ​ക്ക് സം​ര​ക്ഷ​ണം ഒ​രു​ക്കു​ക, സ്കൂ​ളു​ക​ളി​ൽ ക്ലാ​സ് മു​റി​ക​ളി​ൽ​ത​ന്നെ ചെ​ല​വ​ഴി​ക്കു​ക, ആ​സ്ത്മ ഉ​ൾ​പ്പെ​ടെ ബു​ദ്ധി​മു​ട്ടു​ള്ള​വ​ർ ഡോ​ക്ട​റു​ടെ നി​ർ​ദേ​ശം പാ​ലി​ക്കു​ക എ​ന്നീ കാ​ര്യ​ങ്ങ​ൾ വി​ദ്യ​ഭ്യാ​സ മ​ന്ത്രാ​ല​യം ഓ​ർ​മി​പ്പി​ച്ചു. വ​രും ദി​വ​സ​ങ്ങ​ളി​ലും കാ​റ്റ് തു​ട​രു​മെ​ന്നും കാ​ഴ്ച​പ​രി​ധി കു​റ​യു​മെ​ന്നും കാ​ലാ​വ​സ്ഥ വി​ഭാ​ഗം അ​റി​യി​ച്ചു.