ഇന്ത്യൻ ജലാതിർത്തിയിൽ അനധികൃതമായി പ്രവേശിച്ച പാക് ബോട്ട് പിടിച്ചെടുത്തു; 11 ജീവനക്കാർ കസ്റ്റഡിയിൽ
ഗുജറാത്തിലെ ഇന്ത്യൻ ജലാതിർത്തിയിൽ അനധികൃതമായി പ്രവേശിച്ച പാകിസ്താൻ മത്സ്യബന്ധന ബോട്ട് ഇന്ത്യൻ കോസ്റ്റ് ഗാർഡ് പിടിച്ചെടുത്തു. ഈ സംഭവവുമായി ബന്ധപ്പെട്ട് ബോട്ടിലുണ്ടായിരുന്ന 11 ജീവനക്കാരെ കസ്റ്റഡിയിലെടുത്തു. ബുധനാഴ്ചയാണ് ഇന്ത്യയുടെ എക്സ്ക്ലൂസീവ് ഇക്കണോമിക് സോണിൽ പ്രവർത്തിച്ചിരുന്ന ഈ ബോട്ട് പിടികൂടിയതെന്ന് കോസ്റ്റ് ഗാർഡ് അറിയിച്ചു. കൂടുതൽ അന്വേഷണങ്ങൾക്കായി കസ്റ്റഡിയിലെടുത്തവരെ ജഖാവു മറൈൻ പോലീസിന് കൈമാറിയിട്ടുണ്ട്. “ഇന്ത്യയുടെ എക്സ്ക്ലൂസീവ് ഇക്കണോമിക് സോണിൽ 11 ജീവനക്കാരുള്ള പാകിസ്താൻ മത്സ്യബന്ധന ബോട്ട് പിടികൂടി,” ഗുജറാത്ത് ഡിഫൻസ് പിആർഒ വിങ് കമാൻഡർ അഭിഷേക് കുമാർ…
