ഖത്തറിന്റെ ചില ഭാഗങ്ങളിൽ ഇന്ന് ശക്തമായ കാറ്റിനും ഇടിമിന്നലോടു കൂടിയ മഴയ്ക്കും സാധ്യതയുണ്ടെന്ന് മുന്നറിയിപ്പ്. തീരദേശത്ത് കാലാവസ്ഥ ഭാഗികമായി മേഘാവൃതമായിരിക്കുമെന്നും വടക്ക് ഭാഗത്ത് മഴയ്ക്കും സാധ്യതയുണ്ടെന്നും ഖത്തർ കാലാവസ്ഥാ വകുപ്പ്. ശക്തമായ കാറ്റ്, ചെറിയ തോതിൽ മഴ, വടക്ക് ഭാഗത്ത് ഇടിമിന്നൽ എന്നിവ ഉണ്ടാകുമെന്നും മുന്നറിയിപ്പ് നൽകുന്നു. രാത്രിയിൽ തണുപ്പിനും സാധ്യതയുണ്ട്.
തീരദേശത്ത് തെക്കുകിഴക്ക് മുതൽ വടക്കുകിഴക്ക് വരെ 10 – 20 കിലോമീറ്റർ വേഗതയിലും ചിലയിടങ്ങളിൽ 25 കിലോമീറ്റർ വേഗതയിലും കാറ്റ് വീശും. ഓഫ്‌ഷോർ മേഖലയിൽ 12 – 22 കിലോമീറ്റർ വേഗതയിലും ചിലയിടങ്ങളിൽ 30 കിലോമീറ്റർ വേഗതയിലും കാറ്റ് വീശുമെന്നും കാലാവസ്ഥ വിഭാഗം അറിയിച്ചു.
ഇന്ന് രാവിലെ ഖത്തറിന്റെ ചില ഭാഗങ്ങളിൽ ചെറിയ ചാറ്റൽ മഴ അനുഭവപെട്ടു . നാളെ മുതൽ ഖത്തറിൽ കാലാവസ്ഥയിൽ വ്യതിയാനം അനുഭവപ്പെടുമെന്നാണ് കാലാവസ്ഥ വിഭാഗം കഴിഞ്ഞ ദിവസം അറിയിച്ചിരുന്നത് . കുറച്ചു ദിവസങ്ങളിലായി അനുഭവപ്പെടുന്ന തണുപ്പ് മാറി ഖത്തർ കാലാവസ്ഥ ചൂടിലേക്ക് നീങ്ങുമെന്ന് കാലാവസ്ഥ വിഭാഗം അറിയിച്ചു.
