ഒമാനിൽ വാണിജ്യ ഏജൻസികളെ നിയന്ത്രിക്കാൻ നടപടികൾക്കൊരുങ്ങി ഒമാൻ വാണിജ്യ, വ്യവസായ, നിക്ഷേപ പ്രോത്സാഹന മന്ത്രാലയം. വാണിജ്യ ഏജൻസികളെ നിയന്ത്രിക്കുന്നതിൽ മന്ത്രാലയം ശ്രദ്ധ ചെലുത്തുന്നുണ്ടെന്നും, പ്രാദേശിക ഏജന്റുമാർ ഒമാൻ ബിസിനസ് പ്ലാറ്റ്ഫോം വഴി അവരുടെ ഏജൻസികളുടെ പുതുക്കലുകളും അപ്‌ഡേറ്റുകളും പാലിക്കേണ്ടതിന്റെ ആവശ്യകത ഉറപ്പാക്കുന്നുണ്ടെന്നും വാണിജ്യ, വ്യവസായ, നിക്ഷേപ പ്രോത്സാഹന മന്ത്രാലയത്തിലെ വാണിജ്യ ഏജൻസികളുടെ രജിസ്‌ട്രേഷൻ വിഭാഗം മേധാവി യാക്കൂബ് ബിൻ ശൈഖ് അൽ ദബൗനി പറഞ്ഞു.
നിയമത്തിലെ വ്യവസ്ഥകൾ ഏജന്റുമാർ പാലിക്കുന്നുണ്ടോ എന്ന് മന്ത്രാലയം സൂക്ഷ്മമായി നിരീക്ഷിക്കുന്നുണ്ടെന്ന് അദ്ദേഹം പറഞ്ഞു. നിയമത്തിലെ വ്യവസ്ഥകൾ ലംഘിക്കുന്നവർക്കെതിരെ ആവശ്യമായ നിയമ നടപടികൾ സ്വീകരിക്കുമെന്നും അദ്ദേഹം കൂട്ടിച്ചേർത്തു. വാണിജ്യ ഏജൻസികളുമായി ബന്ധപ്പെട്ട നിയമനിർമ്മാണ സംവിധാനങ്ങൾ വികസിപ്പിക്കുന്നതിനും അത് ബിസിനസ് അന്തരീക്ഷം ഉയർത്തുന്നതിനും ദേശീയ സമ്പദ്വ്യവസ്ഥയെ പിന്തുണക്കുന്നതിനുമായി വാണിജ്യ, വ്യവസായ, നിക്ഷേപ പ്രോത്സാഹന മന്ത്രാലയം അതിന്റെ ശ്രമങ്ങൾ തുടരുന്നു.
പുതിയതും, പുതുക്കിയതും, റദ്ദാക്കിയതുമായ വാണിജ്യ ഏജൻസികളുടെ എണ്ണം ഏകദേശം കഴിഞ്ഞ വർഷം 2,043 ആണ്. 458 പുതിയ ഏജൻസികൾ, 944 പുതുക്കിയ ഏജൻസികൾ, പുതുക്കാത്തതിനാലും വാണിജ്യ ഏജൻസി നിയമത്തിൽ പറഞ്ഞിരിക്കുന്ന കാലാവധി അവസാനിച്ചതിനാലും കാലാവധി കഴിഞ്ഞ 413 ഏജൻസികൾ എന്നിവ ഇതിൽ ഉൾപ്പെടുന്നുണ്ടെന്ന് വാണിജ്യ, വ്യവസായ, നിക്ഷേപ പ്രോത്സാഹന മന്ത്രാലയത്തിലെ വാണിജ്യ രജിസ്ട്രി സെക്രട്ടേറിയറ്റ് ചൂണ്ടിക്കാട്ടി.
