ഒമാനിലെ മിക്ക ഗവർണറേറ്റുകളിലും ചൊവ്വാഴ്ച രാവിലെ വരെ കാറ്റ് അനുഭവപ്പെടുമെന്ന് കാലാവസ്ഥ അധികൃതർ അറിയിച്ചു. ഇതിന്റെ ഭാഗമായി മുസന്ദം ഗവർണറേറ്റിന്റെയും ഒമാൻ കടലിന്റെയും തീരങ്ങളിലും തെക്കൻ ശർഖിയ ഗവർണറേറ്റിന്റെ തീരങ്ങളിലും കടൽ തിരമാലകൾ ഉയർന്നേക്കും. മരുഭൂമിയിലും തുറന്ന പ്രദേശങ്ങളിലും പൊടി ഉയരുകയും താപനില കുറയമെന്നും അധികൃതർ വ്യക്തമാക്കി.
ഒമാനിലെ പൗരൻമാർക്കും താമസകാർക്കും ഭരണാധികാരി സുൽത്താൻ ഹൈതം ബിൻ താരിഖ് റമദാൻ ആശംസകൾ നേർന്നു. എല്ലാ ജനങ്ങൾക്കും റമദാനിന്റെ സമൃദ്ധമായ അനുഗ്രഹങ്ങൾ ചൊരിയാൻ സർവശക്തനായ അല്ലാഹുവിനോട് പ്രാർഥിക്കുകയാണെന്ന് സുൽത്താൻ ആശംസ സന്ദേശത്തിൽ പറഞ്ഞു.
റമസാനിൽ ഒമാനിലെ തൊഴിൽ സമയം കുറച്ചു. സർക്കാർ, സ്വകാര്യ മേഖലകളിൽ പുതിയ തൊഴിൽ സമയം പ്രാബല്യത്തിൽ വന്നു. സർക്കാർ മേഖലയിൽ ‘ഫ്ലെക്സിബിൾ’ രീതിയും സ്വകാര്യ മേഖലയിൽ ആറ് മണിക്കൂറുമാണ് തൊഴിൽ സമയം. സർക്കാർ ജീവനക്കാർക്ക് രാവിലെ 9 മുതൽ ഉച്ചയ്ക്ക് 2 വരെയാണ് ഔദ്യോഗിക പ്രവൃത്തി സമയം. എന്നാൽ, സ്ഥാപന മേധാവികൾക്ക് രാവിലെ 7 മുതൽ ഉച്ചയ്ക്ക് 12 വരെ, 8 മുതൽ 1 വരെ, 9 മുതൽ 2 വരെ, 10 മുതൽ 3 വരെ എന്നിങ്ങനെയുള്ള…
മത്ര വിലായത്തിൽ നടന്നുകൊണ്ടിരിക്കുന്ന വിവിധ വികസന പ്രവർത്തനങ്ങൾ വിലയിരുത്താനായി മസ്കത്ത് മുനിസിപ്പാലിറ്റി ചെയർമാൻ അഹമദ് ബിൻ മുഹമ്മദ് അൽ ഹുമൈദി വിവിധ സ്ഥലങ്ങൾ സന്ദർശിച്ചു. പ്രദേശത്തിന്റെ അടിസ്ഥാന സൗകര്യങ്ങളും നഗര ഭൂപ്രകൃതി മെച്ചപ്പെടുത്താൻ ലക്ഷ്യമിട്ടുള്ള നിരവധി പദ്ധതികൾ അദ്ദേഹം പരിശോധിച്ചു. വാദി അൽ കബീർ സ്ക്വയർ പ്രോജക്റ്റ് (ഫ്രൈഡേ മാർക്കറ്റ്), മുനിസിപ്പാലിറ്റി സ്ട്രീറ്റ് മുതൽ വാദി കബീർ ബ്രിഡ്ജ് ഇന്റർസെക്ഷൻ വരെയുള്ള താഴ്‌വരയുടെ പുനരുദ്ധാരണം, മത്ര കോർണിഷിനെ അഭിമുഖീകരിക്കുന്ന മതിൽ സൗന്ദര്യവൽക്കരണം,ദാർസൈത്തിലെ ചരിവ് സംരക്ഷണം എന്നിവയാണ് ചെയർമാൻ…
ഒമാനിലെ സാധാരണ കുറ്റകൃത്യങ്ങളുടെ പട്ടികയിൽ ഒന്നാം സ്ഥാനത്ത് വരുന്നത് തൊഴിൽ നിയമ ലംഘനങ്ങളാണെന്ന് സ്ഥിതി വിവര കണക്കുകൾ സൂചിപ്പിക്കുന്നു. കഴിഞ്ഞ വർഷം പബ്ലിക് പ്രോസിക്യൂഷൻ കൈകാര്യം ചെയ്ത കേസുകളും മറ്റ് നിരവധി വിഷയങ്ങളും അവലോകനം ചെയ്ത് നടത്തിയ വാർഷിക യോഗത്തിലാണ് അധികൃതർ ഇക്കാര്യം വ്യക്തമാക്കിയത്. തൊഴിൽ നിയമ ലംഘനങ്ങളുമായി ബന്ധപ്പെട്ട് 12,407 കേസുകളാണ് രജിസ്റ്റർ ചെയ്തിരിക്കുന്നത്. ചെക്കുകൾ മടങ്ങുന്നതുമായി ബന്ധപ്പെട്ട കുറ്റകൃത്യങ്ങളിൽ 9,699 കേസുകളുമായി രണ്ടാം സ്ഥാനത്തെത്തി. വിദേശികളുടെ താമസ നിയമ ലംഘനങ്ങളിൽ 9,154 കേസുകളാണ്. വഞ്ചന,…
കുവൈത്ത് ഫസ്റ്റ് ഉപപ്രധാനമന്ത്രിയും ആഭ്യന്തര മന്ത്രിയുമായ ശൈഖ് ഫഹദ് യൂസഫ് സൗദ് അൽ സബാഹ് സുൽത്താൻ ഹൈതം ബിൻ താരിഖുമായി കൂടിക്കാഴ്ച നടത്തി. അൽ ബറക്ക കൊട്ടാരത്തിൽ നടന്ന കൂടിക്കാഴ്ചയിൽ കുവൈത്ത് അമീർ ശൈഖ് മിശ്അൽ അൽ അഹമ്മദ് അൽ ജാബിർ അസ്സബാഹിന്റെ വാക്കാലുള്ള സന്ദേശം ശൈഖ് ഫഹദ് യൂസഫ് സുൽത്താന് കൈമാറി. ഇരുരാജ്യങ്ങളും തമ്മിലുള്ള ശക്തമായ ഉഭയകക്ഷി ബന്ധവും പരസ്പര താൽപര്യങ്ങൾ മുന്നോട്ട് കൊണ്ടുപോകുന്നതിനുള്ള പ്രതിബദ്ധതയെയും കുറിച്ച് ഇരുവരും സംസാരിച്ചു. ഒമാനും കുവൈത്തും തമ്മിലുള്ള സൈനിക,…
റോയൽ ഓപ്പറ ഹൗസിൽ പരിപാടി അവതരിപ്പിച്ച ലബനീസ് ഗായിക മാജിദ അൽ റൂമി അൽ ബറാക്ക കൊട്ടാരത്തിൽ സുൽത്താൻ ഹൈതം ബിൻ താരിക്കിന്റെ ഭാര്യയും പ്രഥമ വനിതയുമായ അസ്സയ്യിദ അഹദ് ബിൻത് അബ്ദുല്ല അൽ ബുസൈദിയുമായി കൂടിക്കാഴ്ച നടത്തി. കൂടിക്കാഴ്ചയിൽ, ഒമാനും ലബനാനും തമ്മിലുള്ള ചരിത്രപരമായ ബന്ധത്തെക്കുറിച്ച്, പ്രത്യേകിച്ചും സാംസ്കാരിക, കലാ, സാമൂഹിക മേഖലകളിലെ ബന്ധങ്ങളെക്കുറിച്ച് പ്രഥമ വനിത ചർച്ച ചെയ്തു. കരിയറിനെ കുറിച്ച് സംസാരിക്കുകയും സുൽത്താനേറ്റിൽ എത്തിയതിനുശേഷം ലഭിച്ച ഊഷ്മളമായ സ്വീകരണത്തിനും അഭിനന്ദനത്തിനും സന്തോഷവും നന്ദിയും…
അടുത്ത കുറച്ച് ദിവസങ്ങളിൽ രാജ്യത്തെ വടക്കുപടിഞ്ഞാറൻ കാറ്റ് ബാധിക്കുമെന്ന് ഒമാൻ കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി. സുൽത്താനേറ്റിലെ മിക്ക ഗവർണറേറ്റുകളിലും കാറ്റ് അനുഭവപ്പെടും. ഒമാൻ തീരങ്ങളിൽ കടൽ തിരമാലകൾ രണ്ടുമീറ്റർവരെ ഉയർന്നേക്കും. മരുഭൂമിയിലും തുറസ്സായ പ്രദേശങ്ങളിലും പൊടിക്കാറ്റിനും സാധ്യതയുമുണ്ട്. ഇത് ദൂരക്കാഴ്ചയെ ബാധിക്കും. താപനിലയിലും ഇടിവ് വരുമെന്ന് മുന്നറിയിപ്പിൽ പറയുന്നു.
അപകടകരമായ രീതിയിൽ വാഹനമോടിച്ചതിന് ഒരാളെ ദാഖിലിയ ഗവർണറേറ്റിൽനിന്ന് റോയൽ ഒമാൻ പൊലീസ് അറസ്റ്റ് ചെയ്തു.അപകടകരമായ രീതിയിൽ ഡ്രൈവിങ് നടത്തുന്നതിന്റെ വിഡിയോ സമൂഹമാധ്യമങ്ങളിൽ പ്രചരിച്ചിരുന്നു. തുടർന്ന് നടത്തിയ അന്വേഷണത്തിലാണ് ഡ്രൈവറെ പിടികൂടുന്നത്. റോഡ് ഉപയോക്താക്കളെ അപകടത്തിലാക്കുകയും പൊതുസമാധാനത്തിന് ഭംഗം വരുത്തുകയും ചെയ്യുന്ന രീതിയിലായിരുന്നു ഇയാൾവാഹനമോടിച്ചിരുന്നതെന്ന് റോയൽ ഒമാൻ പൊലീസ് (ആർ.ഒ.പി) അറിയിച്ചു.
അനധികൃത ടൂറിസ്റ്റ് ക്യാമ്പുകൾക്കെതിരെ കർശന നടപടിയുമായി മസ്കത്ത് മുനിസിപ്പാലിറ്റി. അൽ ഖിരാൻ, ഇത്തി പ്രദേശങ്ങളിലെ 16 അനധികൃത ടൂറിസ്റ്റ് ക്യാമ്പുകൾ നീക്കം ചെയ്തു. പൈതൃക, ടൂറിസം മന്ത്രാലയത്തിന്റെയും റോയൽ ഒമാൻ പൊലീസിന്റെയും സംയുക്ത സഹകരണത്തോടെയായിരുന്നു നടപടി. ആകെ 17 സ്ഥലങ്ങളിലായിരുന്നു മുനിസിപ്പാലിറ്റി പരിശോധന നടത്തിയത്. രാജകീയ ഉത്തരവ് പ്രകാരം ( നമ്പർ 45/2007) പൊതു ഇക്കോ-ടൂറിസം മേഖലയായി നിയുക്തമാക്കിയ പ്രദേശമാണ് അൽ ഖിരാൻ. നിയുക്ത പ്രദേശത്തിനുള്ളിൽ ഏതെങ്കിലും സാമ്പത്തിക, ടൂറിസം അല്ലെങ്കിൽ മറ്റ് പദ്ധതികൾ സ്ഥാപിക്കുന്നത് ഈ…
