വിമാനയാത്രക്കിടെ എംഎസ് ധോനിയെയും കുടുംബത്തെയും കണ്ടതിന്റെ സന്തോഷം സോഷ്യൽ മീഡിയയിൽ പങ്കുവയ്ക്കുകയാണ് ബംഗളൂരുവില്‍ നിന്നുള്ള കുടുംബം. നാലുവയസുകാരിയായ മകളുടെ പിറന്നാള്‍ ദിനത്തിലാണ് പ്രിയ താരത്തെ കണ്ടതെന്നും, ഇതിലും വലിയ പിറന്നാള്‍ സമ്മാനം മകള്‍ക്ക് ലഭിക്കാനില്ലെന്നും നേത്ര ഗൗഡ എന്ന അമ്മ പറയുന്നു. കുടുംബം പങ്കുവച്ച വീ‍ഡിയോ ഇപ്പോൾ വൈറലാണ്.
ധോനിയുടെ ഭാര്യ സാക്ഷി സംസാരിക്കുന്നതും ധോനിയും മകള്‍ സിവയും പുഞ്ചിരിയോടെ ഇരിക്കുന്നതുമെല്ലാം ദൃശ്യങ്ങളിൽ കാണാം. ധോനി മാസ്‌ക് ധരിച്ചിരിക്കുന്നതിനാല്‍ നാലുവയസുകാരി പേടിക്കുന്നതും ഇത് കണ്ട് സിവ ചിരിക്കുന്നതുമെല്ലാം വീഡിയോയിലുണ്ട്.
