ടൂര്‍ ഓഫ് ഒമാന്‍ സൈക്ലിങ് മത്സരത്തിന് വീണ്ടും വേദിയൊരുങ്ങുന്നു. ഫെബ്രുവരി 10 മുതല്‍ 14 വരെ അഞ്ച് ദിവസങ്ങളിലായി രാജ്യത്തിന്‍റെ വിവിധ ഭാഗങ്ങളില്‍ മത്സരങ്ങള്‍ അരങ്ങേറുമെന്ന് സാംസ്‌കാരിക, പൈതൃക, വിനോദ സഞ്ചാര മന്ത്രാലയം അറിയിച്ചു. 13മത് എഡിഷന്‍ ടൂര്‍ ഓഫ് ഒമാനാണ് ഇത്തവണ നടക്കുന്നത്.
താരങ്ങള്‍ക്കുള്ള റജിസ്‌ട്രേഷന്‍ ഉടന്‍ ആരംഭിക്കും. അഞ്ച് ഘട്ടങ്ങളില്‍ ഒമാന്‍റെ വിവിധ മേഖലകളിലാണ് മത്സരങ്ങള്‍. രാജ്യാന്തര താരങ്ങളുടെ വലിയ നിര തന്നെ ടൂര്‍ ഓഫ് ഒമാന്‍റെ ഭാഗമാകും. മുന്‍ വര്‍ഷങ്ങളിലെ വിജയികള്‍ ഇത്തവണയും എത്തുമെന്നാണ് അധികൃതര്‍ പ്രതീക്ഷിക്കുന്നത്. ഒമാന്‍ ടൂറിസത്തിന്‍റെ പ്രചാരണവും ലക്ഷ്യം വെച്ചാണ് ടൂര്‍ ഓഫ് ഒമാന്‍ സംഘടിപ്പിച്ചുവരുന്നത്.
