ലോക്സഭാ തിരഞ്ഞെടുപ്പ് മുന്നിൽക്കണ്ട് ചേരുന്ന പ്രതിപക്ഷ പാർട്ടികളുടെ സംയുക്ത യോഗം ബഹിഷ്‌കരിക്കുമെന്ന ഭീഷണിയുമായി ആം ആദ്മി പാർട്ടി. ഡൽഹി ഓർഡിനൻസ് വിഷയത്തിൽ കോൺഗ്രസ് നിലപാട് വ്യക്തമാക്കാത്ത സാഹചര്യത്തിലാണിത്.
പട്‌നയിൽ ജെ.ഡി.യു. നേതാവും ബിഹാർ മുഖ്യമന്ത്രിയുമായ നിതീഷ് കുമാറിന്റെ വീട്ടിൽ രാവിലെ 11-നാണ് യോഗം. ഡൽഹി ഓർഡിനൻസ് വിഷയത്തിൽ കോൺഗ്രസ് അനുകൂല നിലപാട് അറിയിച്ചില്ലെങ്കിൽ യോഗത്തിൽനിന്ന് വിട്ടുനിൽക്കുമെന്ന് ആം ആദ്മി പാർട്ടി വ്യക്തമാക്കി. കൃത്യമായ മറുപടി ലഭിച്ചില്ലെങ്കിൽ തുടർന്ന് നടക്കുന്ന യോഗങ്ങളിലും പങ്കെടുക്കില്ലെന്നാണ് ഭീഷണി.
