ബില്ലുകളിൽ തീരുമാനമെടുക്കാൻ സമയപരിധി നിശ്ചയിച്ച സുപ്രീം കോടതി ഉത്തരവിൽ കേന്ദ്രസർക്കാർ പുനഃപരിശോധന ഹർജി നൽകും. കേന്ദ്ര ആഭ്യന്തരമന്ത്രാലയം ഉടൻ സുപ്രീംകോടതിയിൽ പുനഃ പരിശോധന ഹർജി നൽകും. പരമാവധി മൂന്ന് മാസമാണ് ബില്ലുകളിൽ തീരുമാനമെടുക്കാൻ രാഷ്ട്രപതിക്കും ഗവർണർക്കും സുപ്രിംകോടതി അനുവദിച്ചത്. സമയപരിധി നിശ്ചയിച്ചത് പുനപരിശോധിക്കണമെന്നും കേന്ദ്രത്തിന്റെ വാദങ്ങൾ പരിഗണിക്കപ്പെട്ടില്ലെന്നുമാണ് സർക്കാരിന്റെ വാദം. വിധി പുറപ്പെടുവിച്ച ജസ്റ്റിസുമാരായ ജെബി പർദിവാല, ആർ മഹാദേവൻ എന്നിവരുടെ ബഞ്ചിന് മുൻപാകെയാകും കേന്ദ്ര സർക്കാർ ഹർജി നൽകുക.
ബില്ലുകളിൽ തീരുമാനമെടുക്കാൻ സമയപരിധി; കേന്ദ്രം പുനഃപരിശോധന ഹർജി നൽകും
