എരുമേലി കണ്ണിമലയ്ക്ക് സമീപം ശബരിമല തീർഥാടകർ സഞ്ചരിച്ച ബസ് മറിഞ്ഞ് പത്തു വയസ്സുകാരി മരിച്ചു. 16 പേർക്ക് പരുക്കേറ്റു. ചെന്നൈ താംബരം സ്വദേശിനി സംഘമിത്ര ആണ് മരിച്ചത്. ഇന്ന് വൈകിട്ട് 3.15 നാണ് അപകടം. ചെന്നൈയിൽനിന്ന് ശബരിമലയിലേക്ക് പോകുകയായിരുന്ന തീർഥാടകരാണ് അപകടത്തിൽപെട്ടത്.
21 പേരാണ് വാഹനത്തിലുണ്ടായിരുന്നത്. കണ്ണിമലയിൽ വച്ച് നിയന്ത്രണം നഷ്ടപ്പെട്ട വാഹനം കുഴിയിലേക്ക് മറിയുകയായിരുന്നു. പരുക്കേറ്റവരെ കാഞ്ഞിരപ്പള്ളി ജനറൽ ആശുപത്രിയിലേക്ക് മാറ്റി. ഗുരുതരാവസ്ഥയിലുള്ളവരെ കോട്ടയം മെഡിക്കൽ കോളജ് ആശുപത്രിയിലേക്ക് മാറ്റും.
