പാലക്കാട് കാക്കയൂർ ആണ്ടിത്തറയിൽ നാലു പേർക്ക് തെരുവുനായ ആക്രമണത്തിൽ പരിക്കേറ്റു. കാക്കയൂർ സ്വദേശി വയ്യാപുരി എന്ന ആളുടെ മുഖത്തെ മാംസം നായ കടിച്ചെടുത്തു. ഗുരുതരമായി പരിക്കേറ്റ ഇദ്ദേഹത്തെ ആശുപത്രിയിൽ പ്രവേശിപ്പിച്ചിരിക്കുകയാണ്. കൊടുവായൂർ സ്വദേശികളായ കണ്ണൻ, ഭാര്യ കോമള എന്നിവർക്കും നായയുടെ കടിയേറ്റു.
സമീപവാസിയായ ഒരാളെ നായ ആക്രമിക്കുന്നതിനിടെ രക്ഷിക്കാൻ ശ്രമിക്കുന്നതിനിടെയാണ് വയ്യാപുരിയ്ക്ക് കടിയേറ്റത്. വയ്യാപുരിയ്ക്ക് നേരെ ചാടി വീണ നായ കവിൾ കടിച്ചെടുക്കുകയായിരുന്നു. കടിയേറ്റ ഭാഗത്തെ മാംസം ഇല്ലാത്തതിനാൽ മുഖത്ത് തുന്നൽ പോലുമിടാൻ ആവാത്ത അവസ്ഥയാണെന്നാണ് ഡോക്ടർമാർ വ്യക്തമാക്കി. സർക്കാരിന്റെ വാക്സിനേഷൻ യഞ്ജം ഒരു മാസം പിന്നിടുമ്പോഴും നായശല്യം തുടരുകയാണ്. വാക്സിനേഷനും വന്ധ്യംകരണവും ഫലംകണ്ടില്ലെന്നും ആക്ഷേപമുയരുന്നുണ്ട്.
