തിരുവനന്തപുരം വെള്ളായണിക്കായലിൽ 3 വിദ്യാർത്ഥികൾ മുങ്ങിമരിച്ചു. കുളിക്കാനിറങ്ങിയ കുട്ടികളാണ് മുങ്ങിമരിച്ചത്. കായലിലെ വവ്വാമൂലയിൽ വച്ചാണ് അപകടത്തിൽപ്പെട്ടത്. ചെളിയിൽ പുതഞ്ഞ നിലയിലായിരുന്നു മൃതദേഹം കണ്ടെത്തിയത്. വെങ്ങാനൂർ ക്രൈസ്റ്റ് കോളേജിലെ വിദ്യാർത്ഥികളായ മുകുന്ദനുണ്ണി (19), ഫെർഡിൻ (19) ലിബിനോൺ ( 19) എന്നിവരാണ് മരിച്ചത്. .
കുളിക്കാനിറങ്ങിയ നാല് പേരിൽ മൂന്ന് പേരും മരിച്ചു. ഒരു വിദ്യാർത്ഥിയുടെ നിലവിളി കേട്ട് നാട്ടുകാർ സ്ഥലത്തെത്തിയാണ് മുങ്ങിത്താണ കുട്ടികളെ രക്ഷിക്കാൻ ശ്രമിച്ചത്. എന്നാൽ പുറത്തെടുത്തപ്പോൾ തന്നെ വിദ്യാർത്ഥികൾ മരണപ്പെട്ടിരുന്നു. രക്ഷപ്പെടുത്തിയ ഒരു വിദ്യാർത്ഥിയെ ആശുപത്രിയിൽ പ്രവേശിപ്പിപ്പിച്ചിട്ടുണ്ട്. നാട്ടുകാരാണ് ആദ്യം രക്ഷാപ്രവർത്തനം നടത്തിയത്. പിന്നാലെ പൊലീസും ഫയർ ഫോഴ്‌സും സ്ഥലത്തെത്തി.
