റമദാൻ സ്പെഷ്യല്‍; ഇറച്ചി പത്തിരി തയ്യാറാക്കാം

റമദാനില്‍ നമുക്ക് പുതിയൊരു വിഭവം പരിചയെപ്പെടാം. ചെലവ് കുറച്ച്‌ വളരെ വ്യത്യസ്തമായ രീതിയില്‍ എളുപ്പത്തില്‍ തയ്യാറാക്കുവാൻ സാധിക്കുന്ന പലഹാരമാണ് ഇറച്ചി പത്തിരി.

ഇറച്ചി പത്തിരിയുടെ രുചി ഇഷ്ടമാണോ? ഇതാ ഇനി ആ രുചി നിങ്ങളുടെ വീട്ടില്‍ ഉണ്ടാക്കാം.

ആവശ്യമുള്ള ചേരുവകള്‍:

ബീഫ് – 1/2 കെജി

സവാള – 2 എണ്ണംപച്ചമുളക് – 4 എണ്ണംഇഞ്ചി ചതച്ചത് } 1/2 tbspവെളുത്തുള്ളിമഞ്ഞള്‍ പൊടി – 1/2 tspമുളക് പൊടി – 1 tspഗരം മസാല പൊടി – 1 tspകുരുമുളക് പൊടി – 1/2 tspമല്ലി ഇല അരിഞ്ഞത് – 1/4 cupകറിവേപ്പില – 1 തണ്ട്വെളിച്ചെണ്ണ – ആവിശ്യത്തിന്ഉപ്പ് – ആവിശ്യത്തിന്മൈദ – 2 cupഓയില്‍ – ആവിശ്യത്തിന്മുട്ട – 2 എണ്ണംപഞ്ചസാര – 2 ടീസ്പൂണ്‍തയാറാക്കുന്ന വിധം:ബീഫ് നന്നായി കഴുകി മഞ്ഞള്‍പൊടി, കുരുമുളക്പൊടി, ഉപ്പ് , മുളക് പൊടി, ഗരം മസാല എന്നിവ ചേര്‍ത്ത് വേവിച്ച്‌ എടുക്കുക. ശേഷം മിക്‌സിയില്‍ ഇട്ട് ഒന്ന് കറക്കി എടുക്കുക. ഒരു പാനില്‍ വെളിച്ചെണ്ണ ഒഴിച്ച്‌ ചൂടാക്കി ഇഞ്ചി, വെളുത്തുള്ളി ചതച്ചത് വഴറ്റുക. ഒന്ന് മൂത്തു വരുമ്ബോള്‍ സവാള, പച്ചമുളക് ചേര്‍ത്ത് വഴറ്റുക. ഇതിലേക്ക് ബാക്കി ഉള്ള മഞ്ഞള്‍ പൊടി, മുളക് പൊടി, കുരുമുളക്പൊടി, ഗരംമസാല, ഉപ്പ്, മല്ലിയില, കറിവേപ്പില എന്നിവയും ചേര്‍ത്ത് നന്നായി വഴറ്റിയെടുക്കുക. വേവിച്ചു വെച്ച ബീഫ് ചേര്‍ത്ത് യോജിപ്പിക്കുക. മൈദയും ഉപ്പും കുറച്ച്‌ വെള്ളവും ചേര്‍ത്ത് ചപ്പാത്തി മാവ് പോലെ കുഴച്ചെടുക്കുക. ചെറിയ ഉരുളകള്‍ ആക്കി പൂരിയുടെ വലുപ്പത്തില്‍ പരത്തുക. ഒരു പൂരി എടുത്തു അതിന്റെ നടുവില്‍ കുറച്ചു ബീഫ് മസാല വെക്കുക. മുകളില്‍ ഒരു പൂരി കൂടി വെച്ച്‌ അരുക് നന്നായി ഒട്ടിച്ച്‌ മടക്കി എടുക്കുക ശേഷം ചൂടായ എണ്ണയില്‍ ഇട്ട് വറുത്തെടുക്കുക. ഒരു പാത്രത്തില്‍ 2 മുട്ടയും,ലേശം പഞ്ചസാരയും ചേര്‍ത്ത് നന്നായി ബീറ്റ് ചെയ്യുക. ഒരു നോണ്‍സ്റ്റിക്കിന്റെ തവയില്‍ 1 ടീ സ്പൂണ് നെയ്യ് അല്ലെങ്കില്‍ എണ്ണ ഒഴിക്കുക. വറുത്തു വെച്ചിരിക്കുന്ന ഓരോ ഇറച്ചി പത്തിരി മുട്ടയില്‍ മുക്കി ഒന്നുകൂടി തവയില്‍ ഇട്ട് വാട്ടി എടുക്കുക.