ഹോട്ടലില്‍ കിട്ടുന്ന അതേ രുചിയില്‍ സിംപിളായി വീട്ടിലുണ്ടാക്കാം ഗാര്‍ലിക് നാന്‍. നല്ല കിടിലന്‍ ടേസ്റ്റില്‍ സോഫ്റ്റ് ആയി ഗാര്‍ലിക് നാന്‍ വീട്ടിലുണ്ടാക്കുന്നത് എങ്ങനെയെന്ന് നോക്കാം
ചേരുവകള്‍
മൈദ-2 കപ്പ്
ഗോതമ്പുപൊടി-1 കപ്പ്
ചെറുചൂടുള്ള പാല്‍-അര കപ്പ്
യീസ്റ്റ്-2 ടീസ്പൂണ്‍
പഞ്ചസാര-അര ടേബിള്‍ സ്പൂണ്‍
വെളുത്തുള്ളി പേസ്റ്റ്-1 ടീസ്പൂണ്‍
ഉപ്പ്-1 ടീസ്പൂണ്‍
വെളുത്തുള്ളി അരിഞ്ഞത്-5 അല്ലി
മല്ലിയില
ഉപ്പുള്ള ബട്ടര്‍
തയ്യാറാക്കുന്ന വിധം
ചൂടുവെള്ളത്തില്‍ യീസ്റ്റ്, പഞ്ചസാര എന്നിവ കലക്കി വയ്ക്കുക.
ഇതിലേക്ക് ഗോതമ്പുപൊടി, മൈദ, ഉപ്പ്, പാല്‍, വെളുത്തുള്ളി പേസ്റ്റ് എന്നിവ ചേര്‍ത്ത് കുഴയ്ക്കുക
ബട്ടര്‍ ചൂടാക്കി ഇതില്‍ തീരെ ചെറുതായി ഗ്രേറ്റ് ചെയ്ത വെളുത്തുള്ളി ഇട്ടിളക്കുക.
നേരത്തെ തയ്യാറാക്കി വെച്ച മാവ് ചെറിയ ഉരുളകളാക്കി ഉരുട്ടി പരത്തി എടുക്കുക
തവ ചൂടാക്കി ഇത് ഇരു വശവും ചൂടാക്കുക.
പിന്നീട് ഗ്യാസ് സ്റ്റൗവില്‍ നേരിട്ട് പൊന്തി വരുന്നതു വരെ ചുടുക.
ഇത് മാറ്റി വച്ച് മുകളില്‍ ബ്രഷ് കൊണ്ടു ബട്ടര്‍ വെളുത്തുള്ളി മിശ്രിതം പുരട്ടണം.
അതിന് മുകളിലേക്ക് അരിഞ്ഞ മല്ലിയില ഇടാം.
