സംവിധായകൻ സിദ്ദീഖ് അവതരിപ്പിക്കുന്ന ‘ പൊറാട്ട് നാടകം ‘ എമിറേറ്റ്‌സ് പ്രൊഡക്ഷൻസും, മീഡിയ യൂണിവേഴ്‌സും ചേർന്ന് നിർമ്മിക്കുന്നു. ചിത്രത്തിന്റെ പൂജയും സ്വിച്ച് ഓണും മാർച്ച് 8ന് ബുധനാഴ്ച രാവിലെ 7.30ന് ഉദുമ പാലക്കുന്ന് ഭഗവതിക്ഷേത്ര കഴകം ഭണ്ഡാരവീട്ടിൽ വച്ച് നടന്നു .ചിത്രത്തിന്റെ പ്രൊഡ്യൂസർ വിജയൻ പള്ളിക്കര, ഗായത്രി വിജയൻ,മാതാവ് ജാനകി, പ്രൊഡ്യൂസർ നാസർ വേങ്ങര, സംവിധായാകൻ നൗഷാദ് സാഫ്രോൺ, തിരക്കഥാകൃത്ത് സുനീഷ് വാരനാട്,ക്യാമറാമാൻ നൗഷാദ്, കാഞ്ഞങ്ങാട് ഡി വൈ എസ് പി ഡോ : വി ബാലകൃഷ്ണൻ, ബേക്കൽ ഡിവൈ എസ് പി സുനിൽ കുമാർ, കാഞ്ഞങ്ങാട് മുനിനിസിപ്പൽ ചെയർപേഴ്‌സൺ സുജാത ടീച്ചർ, കൗൺസിലർ വി വി രമേശ് തുടങ്ങിയവർ ചേർന്ന് ചടങ്ങിൽ ഭദ്രദീപം കൊളുത്തി.പ്രൊഡ്യൂസർ വിജയകുമാർ പാലക്കുന്ന് ഫസ്റ്റ് ക്ലാപ്പ് അടിച്ചു. സംവിധായകൻ സിദ്ദീഖ് സ്വിച്ചോൺ ചെയ്തു.
സൈജു കുറുപ്പ് നായകനായി അഭിനയിക്കുന്ന ചിത്രം സംവിധാനം ചെയ്യുന്നത് സിദ്ദീഖിന്റെ സംവിധാനസഹായിയായി പ്രവർത്തിച്ചിരുന്ന നൗഷാദ് സാഫ്രോണാണ്. മോഹൻലാൽ,ഈശോ എന്നീ ചിത്രങ്ങൾക്ക് ശേഷം സുനീഷ് വാരനാട് തിരക്കഥയൊരുക്കുന്ന ചിത്രത്തിൽ രാഹുൽ മാധവ്,ധർമ്മജൻ ബോൾഗാട്ടി,സുനിൽ സുഗത,നിർമ്മൽ പാലാഴി,ബാബു അന്നൂർ, ഷുക്കൂർ വക്കീൽ, അനിൽ ബേബി,ചിത്ര ഷേണായി,ഐശ്വര്യ മിഥുൻ കോറോത്ത്, ജിജിന രാധാകൃഷ്ണൻ,ചിത്ര നായർ, ഗീതി സംഗീത തുടങ്ങിയവർ അഭിനയിക്കുന്നു. കോതാമൂരിയാട്ടം,പൊറാട്ട് നാടകം തുടങ്ങിയ കലാരൂപങ്ങൾ പശ്ചാത്തലമായി വരുന്ന ‘പൊറാട്ട് നാടകം’ കോമഡിക്ക് പ്രാധാന്യം നൽകിയാണ് ചിത്രീകരിക്കുന്നത്. വടക്കൻ കേരളത്തിലെ ഗോപാലപുര എന്ന ഗ്രാമത്തിൽ 21 ദിവസം അരങ്ങേറുന്ന സംഭവങ്ങളാണ് ആക്ഷേപഹാസ്യത്തിലൂടെ ‘പൊറാട്ട് നാടകം’ അവതരിപ്പിക്കുന്നത്. ‘പൊറാട്ടുനാടകം’ അണിയറയിൽ:
നിർമ്മാണം: വിജയൻ പള്ളിക്കര,നാസർ വേങ്ങര ഛായാഗ്രഹണം: നൗഷാദ് ഷെരീഫ്, സംഗീതം: രാഹുൽ രാജ്, ചിത്രസംയോജനം:രാജേഷ് രാജേന്ദ്രൻ, വസ്ത്രാലങ്കാരം: സൂര്യ രവീന്ദ്രൻ, ചമയം:ലിബിൻ മോഹൻ, കല:സുജിത് രാഘവ്, പി.ആർ.ഒ: മഞ്ചു ഗോപിനാഥ്, മുഖ്യ സംവിധാന സഹായി: അനിൽ മാത്യൂസ് പൊന്നാട്ട്, സഹ സംവിധാനം: കെ.ജി.രാജേഷ് കുമാർ, നിർമാണ നിർവ്വഹണം: ഷിഹാബ് വെണ്ണല,സ്റ്റിൽസ് രാംദാസ് മാത്തൂർ. ഫിനാൻസ് സൂപ്പർവൈസർ : ഖുബൈബ് കൂരിയാട്.
