ഗുഡ് ബാഡ് അഗ്ലിയുടെ ആകെ കളക്ഷനിൽ സർപ്രൈസ് മുന്നേറ്റം. പതിനൊന്നാം ദിനം ചിത്രം 7.4 കോടി രൂപയാണ് നേടിയത്. ഗുഡ് ബാഡ് അഗ്ലി 212 കോടിയാണ് ആകെ നേടിയിരിക്കുന്നത്. ആദിക് രവിചന്ദjd സംവിധാനം നിർവഹിച്ച ചിത്രം കേരളത്തിൽ നിന്ന് മാത്രമായി ഒരാഴ്ചയിൽ 3.63 കോടി രൂപയാണ് നേടിയിരിക്കുന്നത്.
അജിത് കുമാറിന്റെ ആക്ഷൻ കോമഡി ചിത്രം ആണ് ഗുഡ് ബാഡ് അഗ്ലി. അജിത് കുമാർ നായകനായി വരുമ്പോൾ ചിത്രത്തിൽ നായിക തൃഷയാണ്. പ്രഭു, അർജുൻ ദാസ്, പ്രസന്ന, സുനിൽ, ഉഷ ഉതുപ്പ്, രാഹുൽ ദേവ്, റെഡിൻ കിംഗ്‌സ്ലെ, പ്രദീപ് കബ്ര, ഹാരി ജോഷ്, ബി എസ് അവിനാശ്, പ്രിയ പ്രകാശ് വാര്യർ, ടിന്നു ആനന്ദ്, ഷൈൻ ടോം ചാക്കോ എന്നിവരും കഥാപാത്രങ്ങളായി ഉണ്ട്. അഭിനന്ദൻ രാമാനുജൻ ആണ് ഛായാഗ്രാഹണം. ജി വി പ്രകാശ് കുമാർ സംഗീതം നിർവഹിക്കുന്നു.
അജിത്ത് കുമാർ നായകനായി മുമ്പ് വന്നത് വിടാമുയർച്ചിയാണ്. അജിത്തിന്റെ വിടാമുയർച്ചി ആഗോളതലത്തിൽ 136 കോടി മാത്രമാണ് നേടിയത് എന്നാണ് റിപ്പോർട്ടുകൾ. നെറ്റ്ഫ്‌ളകിസിലൂടെയാണ് അജിത് കുമാറിന്റെ വിടാമുയർച്ചി ഒടിടിയിൽ എത്തിയത്. ഒടിടിയിൽ മാർച്ച് മൂന്നിനാണ് എത്തിയത്. വിടാമുയർച്ചിയുടെ ബജറ്റ് ഏകദേശം 300 കോടിക്ക് മുകളിലാണെന്നാണ് റിപ്പോർട്ട്. അജിത്തിന്റെ വിടാമുയർച്ചി പ്രഖ്യാപിച്ചിട്ട് രണ്ട് വർഷത്തോളം ആയിരുന്നു. ഒടുവിൽ അജിത്തിന്റെ വിടാമുയർച്ചി എന്ന സിനിമ പ്രദർശനത്തിനെത്തിയെങ്കിലും പ്രതീക്ഷിച്ച വിജയം നേടാനാകുന്നില്ലെന്നും കളക്ഷൻ കുറവാണെന്നുമാണ് റിപ്പോർട്ടുകൾ.
അജിത്ത് നായകനായതിൽ വിടാമുയർച്ചിക്ക് മുമ്പ് വന്നത് തുനിവാണ്. മികച്ച വിജയമായി മാറിയിരുന്നു അജിത്ത് ചിത്രം തുനിവ് എന്നാണ് റിപ്പോർട്ടുകൾ വ്യക്തമാക്കിയത്. സംവിധാനം എച്ച് വിനോദായിരുന്നു നിർവഹിച്ചത്. അജിത്തിന്റേതായി രണ്ട് വർഷം കഴിഞ്ഞാണ് സിനിമ എത്തിയത് എന്നതും വിഡാമുയർച്ചിയുടെ പ്രത്യേകതയാണ്.
