കോട്ടയം രണ്ടാം പിണറായി വിജയൻ സർക്കാരിന്റെ നാലാം വാർഷികാഘോഷത്തിന്റെ ഭാഗമായി 24 മുതൽ 30 വരെ കോട്ടയം നാഗമ്പടം മൈതാനത്ത് ‘എന്റെ കേരളം പ്രദർശന വിപണനമേള’ നടക്കും. മേളയുടെ നടത്തിപ്പുമായി ബന്ധപ്പെട്ട് വിവിധ ഉപസമിതികൾ രൂപീകരിച്ചു. മന്ത്രി വി എൻ വാസവൻ അധ്യക്ഷനായി ചേർന്ന സംഘാടകസമിതി യോഗമാണ് ഉപസമിതികൾ രൂപീകരിച്ചത്. ചീഫ് വിപ്പ് ഡോ. എൻ ജയരാജ്, ജോസ് കെ മാണി എംപി, എംഎൽഎമാരായ അഡ്വ. സെബാസ്റ്റ്യൻ കുളത്തുങ്കൽ, സി കെ ആശ, അഡ്വ. ജോബ് മൈക്കിൾ, ജില്ലാ പഞ്ചായത്ത് പ്രസിഡന്റ് ഹേമലത പ്രേംസാഗർ, എംജി സർവകലാശാല വൈസ് ചാൻസലർ ഡോ. സി ടി അരവിന്ദകുമാർ, ജില്ലാ പഞ്ചായത്ത് വൈസ് പ്രസിഡന്റ് ജോസ് പുത്തൻകാലാ എന്നിവരാണ് വിവിധ ഉപസമിതികളുടെ അധ്യക്ഷന്മാർ. മേളയുടെ ഉദ്ഘാടനദിവസമായ 24ന് പകൽ മൂന്നിന് നാഗമ്പടം മൈതാനത്തേക്ക് വർണാഭമായ ഘോഷയാത്ര നടക്കും. നാഗമ്പടം മൈതാനത്തൊരുക്കുന്ന പവലിയനിൽ 186 പ്രദർശന-വിപണന സ്റ്റാളുകളാണുണ്ടാവുക. മെഗാ ഭക്ഷ്യമേളയും പ്രമുഖർ അണിനിരക്കുന്ന കലാവിരുന്നും മേളയുടെ ഭാഗമായുണ്ടാകും. വിവിധ തൊഴിൽ മേഖലകളിലുള്ളവരുടെയും സവിശേഷ പരിഗണനയർഹിക്കുന്നവരുടെയും സംഗമങ്ങളും നടത്തും. യോഗത്തിൽ സെബാസ്റ്റ്യൻ കുളത്തുങ്കൽ എംഎൽഎ, ജില്ലാ പഞ്ചായത്ത് പ്രസിഡന്റ് ഹേമലത പ്രേംസാഗർ, കലക്ടർ ജോൺ വി സാമുവൽ, എംജി സർവകലാശാല വൈസ് ചാൻസലർ ഡോ. സി ടി അരവിന്ദകുമാർ, കോട്ടയം നഗരസഭാ അധ്യക്ഷ ബിൻസി സെബാസ്റ്റ്യൻ, ജില്ലാ പഞ്ചായത്ത് വൈസ് പ്രസിഡന്റ് ജോസ് പുത്തൻകാലാ, സ്ഥിരംസമിതി അധ്യക്ഷരായ മഞ്ജു സുജിത്, പി എം മാത്യു, പി ആർ അനുപമ, ജില്ലാ പഞ്ചായത്തംഗം നിർമ്മലാ ജിമ്മി, വനം വികസന കോർപറേഷൻ ചെയർപേഴ്സൺ ലതിക സുഭാഷ്, പഞ്ചായത്ത് പ്രസിഡന്റ്‌സ് അസോസിയേഷൻ സെക്രട്ടറി അജയൻ കെ മേനോൻ, വിവര പൊതുജനസമ്പർക്ക വകുപ്പ് മേഖലാ ഉപഡയറക്ടർ കെ ആർ പ്രമോദ്കുമാർ, അഡീഷണൽ ജില്ലാ മജിസ്‌ട്രേറ്റ് എസ് ശ്രീജിത്, ജില്ലാ ഇൻഫർമേഷൻ ഓഫീസർ എ അരുൺകുമാർ, രാഷ്ട്രീയപാർടി പ്രതിനിധികളായ ടി ആർ രഘുനാഥൻ, പ്രൊഫ. ലോപ്പസ് മാത്യു, ഔസേപ്പച്ചൻ തകടിയേൽ, ബെന്നി മൈലാടൂർ എന്നിവർ പങ്കെടുത്തു.
‘എന്റെ കേരളം’ പ്രദർശന വിപണനമേള 24 മുതൽ
