ഒരു ജലാശയത്തിന്റെ മുകളിലൂടെയുള്ള ലോകത്തെ ഏറ്റവും നീളമേറിയ സിപ്പ് ലൈൻ ഇന്ന് മുസന്ദം ഗവർണറേറ്റിൽ തുറന്ന് കൊടുക്കുമെന്ന് ഒമാൻ മിനിസ്ട്രി ഓഫ് ഹെറിറ്റേജ് ആൻഡ് ടൂറിസം അറിയിച്ചു. മുസന്ദം ഗവർണറേറ്റിൽ ആരംഭിക്കുന്ന ഒമാൻ അഡ്വെഞ്ചർ സെന്ററിന്റെ ഭാഗമായാണ് ഈ സിപ്പ് ലൈൻ ഒരുക്കിയിരിക്കുന്നത്. രാജ്യത്തെ തന്നെ ഏറ്റവും പ്രധാനപ്പെട്ട സാഹസിക ടൂറിസം കേന്ദ്രങ്ങളിലൊന്നായി മുസന്ദം ഗവർണറേറ്റിനെ ഉയർത്തുന്നത് ലക്ഷ്യമിട്ടാണ് മന്ത്രാലയം ഈ അഡ്വെഞ്ചർ സെന്റർ തുറക്കുന്നത്.
ഒമാൻ അഡ്വെഞ്ചർ സെന്ററിന്റെ ഭാഗമായി തുറന്ന് കൊടുക്കുന്ന ആദ്യത്തെ പദ്ധതിയാണ് ഈ സിപ്പ് ലൈൻ. ഏതാണ്ട് 1800 മീറ്റർ നീളത്തിലാണ് ഈ സിപ്പ് ലൈൻ ഒരുക്കിയിരിക്കുന്നത്. 2023 ഫെബ്രുവരി മുതൽ ഈ സിപ്പ് ലൈൻ പരീക്ഷണാടിസ്ഥാനത്തിൽ പ്രവർത്തിക്കുന്നുണ്ട്. അവധിദിനങ്ങളിലുൾപ്പടെ എല്ലാ ദിവസവും രാവിലെ 9 മണിമുതൽ വൈകീട്ട് 4 മണിവരെ ഒമാൻ അഡ്വെഞ്ചർ സെന്ററിലേക്ക് പ്രവേശനം അനുവദിക്കുന്നതാണ്.
هل أنت مستعد للانطلاق في مغامرة مختلفة والتحليق فوق الإطلالات البانورامية الرائعة؟
العديد من التجارب الاستثنائية بانتظاركم في الافتتاح الرسمي لـ #مركز_مغامرات_عُمان وتدشين أطول سلك انزلاقي فوق الماء على مستوى العالم وذلك يوم الأربعاء 26 أبريل 2023، بمحافظة مسندم. pic.twitter.com/ZGAGlK5ToS
— وزارة التراث والسياحة – عُمان (@OmanMHT) April 20, 2023
