കൂടുതൽ വിഭാഗക്കാർക്ക് 10 വർഷത്തെ വിസ ലഭിക്കുന്നതിന് നിരവധി ഭേദഗതികൾ ഏർപ്പെടുത്തിക്കൊണ്ട് നടപ്പിലാക്കിയ ഗോൾഡൻ വിസ ഇന്നുമുതൽ പ്രാബല്യത്തിൽ വരും. കൂടുതൽ വൈദഗ്ധ്യമുള്ള പ്രൊഫഷണലുകൾക്ക് ദീർഘകാല റെസിഡൻസി ലഭിക്കുന്നതിനുള്ള പ്രതിമാസ ശമ്പളം 50,000 ദിർഹത്തിൽ നിന്ന് 30,000 ദിർഹമായി കുറച്ചു. നിർദ്ദിഷ്‌ട പ്രാദേശിക ബാങ്കുകളിൽ നിന്നുള്ള ലോൺ ഉപയോഗിച്ച് പോലും നിക്ഷേപകർക്ക് കുറഞ്ഞത് 2 ദശലക്ഷം ദിർഹം മൂല്യമുള്ള ഒരു പ്രോപ്പർട്ടി വാങ്ങുമ്പോൾ ഗോൾഡൻ വിസ ലഭിക്കും. അംഗീകൃത പ്രാദേശിക റിയൽ എസ്റ്റേറ്റ് കമ്പനികളിൽ” നിന്ന് ഓഫ്-പ്ലാൻ പ്രോപ്പർട്ടികൾ അഥവാ കെട്ടിടം പണിതുടയർത്തുന്നതിനു മുൻപേ പ്ലാനുകൾ വിലയ്ക്ക് വാങ്ങുന്നതും അനുവദനീയമാണ്.
ഏറ്റവും പുതിയ വിസ സംവിധാനം ദീർഘകാല റെസിഡൻസി ഉടമകൾക്ക് പുതിയ നേട്ടങ്ങൾ വാഗ്ദാനം ചെയ്യുന്നു, ആറ് മാസത്തിലധികം രാജ്യത്തിന് പുറത്ത് താമസിച്ചാലും ഗോൾഡൻ വിസ സാധുവായിരിക്കും. ഗോൾഡൻ വിസയുള്ള വ്യക്തിക്ക് സ്പോൺസർ ചെയ്യുന്ന വീട്ടുജോലിക്കാരുടെ എണ്ണത്തിന് പരിധിയില്ല. ഗോൾഡൻ വിസയുടെ ഉടമ മരിച്ചതിന് ശേഷവും വിസയുടെ സാധുത കാലയളവിൽ കുടുംബാംഗങ്ങൾക്ക് രാജ്യത്ത് തുടരാനാകും.
സാധ്യതയുള്ള ഗോൾഡൻ വിസ ഉടമകൾക്ക് ആറ് മാസത്തെ മൾട്ടിപ്പിൾ എൻട്രി വിസ ലഭിക്കുന്നത് ദീർഘകാല റെസിഡൻസി ലഭിക്കുന്നതിന്സ ഹായകമാകും . ഫെഡറൽ അതോറിറ്റി ഫോർ ഐഡന്റിറ്റി, സിറ്റിസൺഷിപ്പ്, കസ്റ്റംസ് ആൻഡ് പോർട്ട് സെക്യൂരിറ്റി (ICP) വെബ്സൈറ്റിൽ പറയുന്നതനുസരിച്ച് ഒരു ഗോൾഡൻ റെസിഡൻസി നേടുന്നതിനുള്ള നടപടിക്രമങ്ങൾ പൂർത്തിയാക്കുന്നതിന് സമാനമായ കാലയളവിലേക്ക് പെർമിറ്റ് നീട്ടാൻ സാധിക്കും.
