ദുബൈ : ദുബൈ ദേരയിലെ തിരക്കേറിയ റോഡിലെ കാല്‍നടപ്പാതയില്‍ തലയണയുമിട്ട് കിടക്കുന്ന സ്വന്തം വീഡിയോ ടിക് ടോക്കിൽ പങ്കുവെച്ച ഏഷ്യന്‍ പൗരനെ പോലീസ് അറസ്റ്റ് ചെയ്തു. അല്‍ മുറാഖബത്തിലെ സലാ അല്‍ ദിന്‍ സ്ട്രീറ്റില്‍ ചൊവാഴ്ചയാണ് സംഭവം നടന്നത്. ടിക് ടോക്കിൽ പങ്കുവെച്ച വീഡിയോ ഇയാൾ പിൻവലിച്ചെങ്കിലും വീഡിയോ കണ്ട നിരവധിയാളുകൾ ഇത് ഷെയർ ചെയ്യുകയായിരുന്നു.
വളരെ തിരക്ക് പിടിച്ച റോഡിലെ കാല്‍നടപ്പാതയില്‍ ശാന്തമായി കിടക്കുന്ന പ്രതിയുടെ വിഡിയോ സാമൂഹിക മാധ്യമങ്ങളില്‍ വ്യാപകമായി പ്രചരിച്ചിച്ചതിനെത്തുടർന്ന് ഇയാളെ പോലീസ് അറസ്റ്റ് ചെയ്തു . സ്വന്തം ജീവനും മറ്റുള്ളവരുടെ ജീവനും അപകടപ്പെടുത്താന്‍ ശ്രമിച്ചതിനും ഗതാഗത തടസ്സമുണ്ടാക്കിയതിനും ഇയാള്‍ക്കെതിരെ കേസെടുത്തതായി പോലീസ് അറിയിച്ചു. പ്രതിയെക്കുറിച്ചുള്ള കൂടുതല്‍ വിവരങ്ങള്‍ പുറത്തുവിട്ടിട്ടില്ല
