ദുബായ് : ദുബായ് എമിറേറ്റ് നറുക്കെടുപ്പിൽ 15 മില്യൺ സ്വന്തമാക്കി ഇന്ത്യൻ ഡ്രൈവർ. ഏകദേശം ഒന്നര കോടി രൂപയാണ് ഇയാൾ സ്വന്തമാക്കിയിരിക്കുന്നത്. മാസം 3200 ദിർഹം വേതനം വാങ്ങിയിരുന്ന ഡ്രൈവറെ ഭാഗ്യം തുണയ്ക്കുകയായിരുന്നു.ദുബായിലെ ഒരു ജ്വല്ലറിയുടെ ഡ്രൈവറായാണ് ഇയാൾ ജോലിചെയ്യുന്നത്. സമ്മാനംത്തുക കണ്ടപ്പോൾ 15000 ദിർഹം ആയിരിക്കുമെന്നാണ് കരുതിയതെന്നും പിന്നീട് പൂജ്യങ്ങൾ കണ്ട് അത് എത്രയാണെന്ന് മനസിലാക്കാൻ പോലും സാധിച്ചില്ലെന്നാണ് സാധാരണക്കാരനായ ഈ ഇന്ത്യൻ പ്രവാസി പറയുന്നത്.
കുറച്ച് നാൾ മുൻപ് കൂട്ടുകാരന് 7777 ദിർഹം സമ്മാനത്തുക ലഭിച്ചപ്പോഴാണ് എമിറേറ്റ്സ് നറുക്കെടുപ്പ് വിശ്വാസയോഗ്യമാണെന്നും പരീക്ഷിക്കാമെന്നും ഇയാൾ തീരുമാനിച്ചത്. കൂടാതെ ഇയാൾ ജോലി ചെയ്യുന്ന കമ്പനിയുടെ ഉടമസ്ഥനിൽ നിന്നും പ്രോത്സാഹനം ലഭിച്ചപ്പോൾ നറുക്കെടുപ്പിൽ പങ്കെടുക്കാൻ കൂടുതൽ താല്പര്യം ജനിക്കുകയായിരുന്നു.
