അജ്മാന്‍ : തുടര്‍ച്ചയായ മൂന്നാം മാസവും വില കുറഞ്ഞതിനെ തുടര്‍ന്ന് യുഎഇയിലെ ഇന്ധന വില ഇപ്പോള്‍ എട്ട് മാസത്തെ ഏറ്റവും കുറഞ്ഞ നിരക്കിലാണ്. ഇന്ധനവില എട്ടു മാസത്തെ ഏറ്റവും താഴ്ന്ന നിരക്കില്‍ എത്തിയതിന് പിന്നാലെ ടാക്സി സേവന നിരക്കില്‍ കുറവ് പ്രഖ്യാപിച്ച് അജ്മാന്‍ അധികൃതര്‍. കിലോമീറ്ററിന് 1.82 ദിര്‍ഹമായിരിക്കും ടാക്സി മീറ്റര്‍ നിരക്കെന്ന് അജ്മാന്‍ ട്രാന്‍സ്‌പോര്‍ട്ട് അറിയിച്ചു.
ഓരോ മാസത്തെയും ഇന്ധനവില അനുസരിച്ച് അജ്മാനില്‍ ടാക്സി നിരക്കില്‍ മാറ്റം വരാറുണ്ട്. ഇന്ധനവില വര്‍ധിച്ചപ്പോള്‍ ജൂലൈയില്‍ ടാക്സി നിരക്കും ഉയര്‍ന്നിരുന്നു. പൊതുഗതാഗത നിരക്കുകളും പുഃനക്രമീകരിച്ചിട്ടുണ്ട്. ഈ വര്‍ഷം ഫെബ്രുവരിയിലാണ് രാജ്യത്ത് ഇന്ധന വില ഉയര്‍ന്നു തുടങ്ങിയത്. യുക്രൈന്‍ – റഷ്യ സംഘര്‍ഷത്തിന്റെ പശ്ചാത്തലത്തില്‍ ഇക്കഴിഞ്ഞ ജൂണ്‍ മാസത്തില്‍ ഇന്ധന വില ചരിത്രത്തിലാദ്യമായി നാല് ദിര്‍ഹം കടന്നിരുന്നു. അതിന് ശേഷമാണ് പടിപടിയായി വില കുറഞ്ഞത്.
