ശരീരത്തിന്റെ 99.98 ശതമാനവും ടാറ്റൂ. വിശ്വസിക്കാൻ പ്രയാസമാണല്ലെ? എന്നാൽ അമേക്കാരിയായ എസ്പെറൻസ് ലുമിനസ്ക ഫ്യൂർസിന ഗിന്നസ് വേൾഡ് റെക്കോര്‍ഡ് നേടിയത് തന്റെ ശരീരമാസകലം പച്ചകുത്തിയാണ്. ഇതോടെ ലോകത്തിൽ ഏറ്റവും കൂടുതൽ ടാറ്റൂ ചെയ്ത സ്ത്രീയായി ഫ്യൂർസിന. അമേരിക്കല്‍ സൈന്യത്തില്‍ നിന്ന് വിരമിച്ച ഉദ്യോഗസ്ഥയാണ് ഈ 36 കാരി. ടാറ്റൂ മാത്രമല്ല 89 ബോഡി മോഡിഫിക്കേഷനും ഫ്യൂർസിന ശരീരത്തിൽ ചെയ്തിട്ടുണ്ട്. സൈന്യത്തിലെ മെഡിക്കല്‍ ഓഫീസറായിരുന്ന ലുമിനസ്ക ഫ്യൂർസിന പത്ത് വര്‍ഷം മന്‍പാണ് വിരമിക്കുന്നത്.
ഈ പത്ത് വർഷത്തിനുള്ളിൽ, അവർ അവരുടെ ശരീരത്തിൻ്റെ മിക്കവാറും എല്ലാ ഭാഗങ്ങളും മാറ്റിയിട്ടുണ്ട്. ‘അന്ധകാരത്തെ പ്രകാശമാക്കി മാറ്റുക’ എന്നതിൽ കേന്ദ്രീകരിച്ചാണ് തന്റെ ശരീരത്തെ താൻ ഇങ്ങനെ പരിഷ്കരിച്ചത് എന്നാണ് ലുമിനസ്ക പറയുന്നത്. ഗിന്നസ് വേൾഡ് റെക്കോർഡ് നേടിയതിൽ അഭിമാനവും ആശ്ചര്യവും തോന്നുന്നുവെന്നായിരുന്നു ലുമിനസ്കയുടെ പ്രതികരണം.
