‘അമ്മ’ക്ക് മുമ്പിൽ നടൻ ഷൈൻ ടോം ചാക്കോ എത്തുമെന്ന് പിതാവ്
ലഹരി ആരോപണവുമായി ബന്ധപ്പെട്ട പരാതിയിൽ താരസംഘടനയായ ‘അമ്മ’യുടെ നോട്ടീസിന് വെള്ളിയാഴ്ച തന്നെ ഷൈൻ ടോം ചാക്കോമറുപടി നൽകുമെന്ന് പിതാവ് സി.പി. ചാക്കോ മാധ്യമങ്ങളോട് പറഞ്ഞു.എറണാകുളത്ത് നേരിട്ട് എത്തിയാവും ‘അമ്മ’യ്ക്ക് വിശദീകരണം നൽകുക. ‘സൂത്രവാക്യം’ സിനിമയുടെ ആഭ്യന്തര പരാതി പരിഹാര സമിതി(ഐസി)ക്കുമുമ്പിൽ തിങ്കളാഴ്ച ഹാജരാവുമെന്നും അദ്ദേഹം വ്യക്തമാക്കി. അതേസമയം, കുടുംബത്തിന് ഇതേവരെ ഷൈൻ ടോം ചാക്കോയുമായി ബന്ധപ്പെടാൻ കഴിഞ്ഞിട്ടില്ലെന്നും ചാക്കോ പറഞ്ഞു.ഷൈൻ എവിടെയുണ്ടെന്നടക്കമുള്ള മറ്റ് വിവരങ്ങൾ അറിയില്ല. പോലീസ് തങ്ങളെ ബന്ധപ്പെട്ടിട്ടില്ലന്നും. പോലീസിന്റെ നോട്ടീസ് ലഭിച്ചിട്ടില്ലെന്നും അദ്ദേഹം വ്യക്തമാക്കി.