കുവൈത്തിൽ പ്രവാസികൾക്ക് ബയോമെട്രിക് പൂർത്തിയാക്കാനുള്ള സമയപരിധി ഇന്ന് അവസാനിക്കും
പ്രവാസികൾക്ക് ബയോമെട്രിക് നടപടികൾ പൂർത്തിയാക്കാനുള്ള സമയപരിധി ചൊവ്വാഴ്ച അവസാനിക്കും. ബുധനാഴ്ച മുതൽ നടപടികൾ പൂർത്തിയാക്കാത്തവരുടെ സർക്കാർ, ബാങ്കിങ് ഇടപാടുകൾ തടയും. ഞായറാഴ്ച വരെ ഏകദേശം 2,50,000 പ്രവാസികളും 90,000 അനധികൃത താമസക്കാരും (ബിദൂനികൾ) 16,000 പൗരന്മാരും നടപടിക്രമങ്ങൾ പൂർത്തിയാക്കിയിട്ടില്ലെന്ന് ജനറൽ ഡിപ്പാർട്ട്മെന്‍റ് ഓഫ് ക്രിമിനൽ എവിഡൻസിനെ ഉദ്ധരിച്ച് പ്രാദേശിക മാധ്യമങ്ങൾ റിപ്പോർട്ടു ചെയ്തു. ഞായറാഴ്ച വരെ ഡിപ്പാർട്ട്മെന്‍റ് 9,60,000 പൗരന്മാരുടെ വിരലടയാളം പ്രോസസ് ചെയ്തിട്ടുണ്ടെന്നും 16,000 എണ്ണം ശേഷിക്കുന്നുണ്ടെന്നും ജനറൽ ഡിപ്പാർട്ട്മെന്‍റ് ഓഫ് ക്രിമിനൽ എവിഡൻസ് ഡയറക്ടർ…
