ലഹരി ബുദ്ധി നശിച്ച തലമുറയെ സൃഷ്ടിക്കും; ലഹരിക്കെതിരെ സന്ദേശം നൽകി കാതോലിക്ക ബാവ
ദുഃഖവെള്ളി ദിനത്തിൽ ലഹരിക്കെതിരെ സന്ദേശം നൽകി കർദിനാൾ മാർ ക്ലിമ്മിസ് കാതോലിക്ക ബാവ. ഗൂഢസംഘങ്ങൾ സമൂഹത്തിൽ അഴിഞ്ഞാടുന്നുവെന്ന് പറഞ്ഞ കാതോലിക്ക ബാവ ലഹരി, ബുദ്ധി നശിച്ച തലമുറയെ സൃഷ്ടിക്കുമെന്നും ചൂണ്ടിക്കാട്ടി. പൊതുസമൂഹത്തിന്റെ വേദനയെ ചേർത്തുനിർത്താമെന്നും കാതോലിക്ക ബാവ പറഞ്ഞു. കുരിശ് മതചിഹ്നം മാത്രമല്ല, രക്ഷയുടെ അടയാളം കൂടിയാണെന്നും കുരിശിനെ മാനിക്കാൻ ചുറ്റും നിൽക്കുന്നവർ ജാഗ്രത പുലർത്തണമെന്നും അദ്ദേഹം പറഞ്ഞു. ദുഖവെള്ളി ദിനത്തിലെ സന്ദേശത്തിലാണ് കാതോലിക്ക ബാവയുടെ പരാമർശം.