Tag: accident death

കോഴിക്കോട് ക്രിസ്ത്യൻ കോളജ് ജങ്ഷനിൽ ഉണ്ടായ വാഹനാപകടത്തിൽ സ്ത്രീക്ക് ദാരുണാന്ത്യം. എലത്തൂർ സ്വദേശി ബാബുവിന്റെ ഭാര്യ തങ്കമണിയാണ് മരിച്ചത്. ബാബുവിനൊപ്പം ബൈക്കിൽ സഞ്ചരിക്കുകയായിരുന്നു തങ്കമണി. അതിനിടയിൽ ബസ് ബൈക്കിലിടിച്ച് ബാബുവും തങ്കമണിയും റോഡിലേക്ക് തെറിച്ച് വീഴുകയായിരുന്നു. ക്രിസ്ത്യൻ കോളജ് ജങ്ഷനിലെ സിഗ്‌നലിൽ നിർത്തിയിട്ടിരുന്ന ബസ്, സിഗ്‌നൽ ഓണായപ്പോൾ മുന്നിലുണ്ടായിരുന്ന ബാബുവിന്റെ ബൈക്കിനെ മറികടക്കാൻ ശ്രമിച്ചപ്പോഴാണ് അപകടമുണ്ടായത് .ബസ്സിനടിയിൽപ്പെട്ട തങ്കമണിയുടെ ശരീരത്തിലൂടെ ബസ് കയറി ഇറങ്ങുകയായിരുന്നു. പരിക്കേറ്റ ബാബുവിനെ ആശുപത്രിയിലേക്ക് മാറ്റി.