ശക്തമായ കാറ്റ് വീശുന്നതിനാൽ ഒമാനിൽ ഭൂരിഭാഗം ഗവർണറേറ്റുകളിലും പൊടി ഉയരാൻ സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. ദാഹിറ, തെക്കൻ ശർഖിയ, അൽ വുസ്ത ഗവർണറേറ്റുകളിലും ദോഫാർ ഗവർണറേറ്റിന്റെ തീർപ്രദേശങ്ങളിലും മൂടൽമഞ്ഞും അനുഭവപ്പെടും.
ഏറ്റവും കൂടിയ താപനില വെള്ളിയാഴ്ച മസ്‌കത്തിൽ 28ഉം കുറവ് 20 ഡിഗ്രി സെൽഷ്യസുമായിരുന്നു. മറ്റിടങ്ങളിലെ കൂടിയതും കുറഞ്ഞതുമായ താപനില ഡിഗ്രി സെൽഷ്യസിൽ ഇപ്രകാരമാണ്: ഇബ്രി 30, 17, റുസ്താഖ് 29, 18, സുഹാർ 31, 22, ഖസബ് 25, 20.
