യു.എസ്. സന്ദർശനത്തിനിടെ ഷിക്കാഗോയിൽ സൈക്കിൾ സവാരി നടത്തുന്ന തമിഴ്നാട് മുഖ്യമന്ത്രി എം.കെ. സ്റ്റാലിന്റെ വീഡിയോയാണ് ട്രെൻഡിങ്ങിൽ. സായാഹ്നത്തിന്റെ ശാന്തത പുതിയ സ്വപ്നങ്ങൾക്ക് കളമൊരുക്കുന്നു എന്ന ക്യാപ്ഷനോടെ സ്റ്റാലിൻ തന്നെയാണ് വീഡിയോ എക്സിൽ പങ്കുവെച്ചത്. പിന്നാലെ, കോൺഗ്രസ് നേതാവ് രാഹുൽഗാന്ധിയുടെ കമന്റുമെത്തി. സഹോദരാ… നമ്മൾ ഒരുമിച്ച് എപ്പോഴാണ് ചെന്നൈയിൽ സൈക്കിൾ ചവിട്ടുക എന്നായിരുന്നു രാഹുലിന്റെ ചോദ്യം.
രാഹുലിനുള്ള മറുപടി സ്റ്റാലിനും വൈകിപിച്ചില്ല. പ്രിയ സഹോദരാ, നിങ്ങൾക്ക് ഒഴിവ് കിട്ടുമ്പോഴെല്ലാം നമുക്ക് ഒരുമിച്ച് ചെന്നൈയുടെ ഹൃദയഭാഗങ്ങളിൽ സവാരി നടത്താം- എന്ന് സ്റ്റാലിൻ കുറിച്ചു. ഇരു നേതാക്കളുടെയും പോസ്റ്റുകൾ സോഷ്യൽ മീഡിയ ഏറ്റെടുത്തിരിക്കുകയാണ്.
