മലപ്പുറം തുവ്വൂർ കമാനത്ത് വയോധികൻ ട്രെയിൻ തട്ടി മരിച്ചു.റെയിൽവേ ട്രാക്കിന് സമീപം പുല്ലരിയുകയായിരുന്ന കമാനം സ്വദേശി കൂത്താറമ്പത്ത് ഭാസ്‌കരൻ നായർ (79) ആണ് ട്രെയിൻ തട്ടി മരിച്ചത്.ഞായറാഴ്ച്ച രാവിലെ 10 മണിക്ക് ആയിരുന്നു അപകടം.
പശുവിന് പുല്ലരിയുന്നതിനിടെ ഷൊർണ്ണൂർ-നിലമ്പൂർ പാസഞ്ചർ ഇടിച്ചാണ് അപകടം. കേൾവിക്കുറവുള്ള ഭാസ്‌കരന് ട്രെയിൻ വരുന്നത് അറിഞ്ഞിരുന്നില്ല. കരുവാരക്കുണ്ട് പോലീസിന്റെ നേതൃത്വത്തിൽ ഇൻക്വസ്റ്റ് നടപടികൾ സ്വീകരിച്ചു.
ഭാര്യ: ഐമാവതി . മക്കൾ: സുരേഷ് കുമാർ, നന്ദകുമാർ, രാജഗോപാൽ, മഞ്ജുള.
