കൊല്ലം നഗര പരിധിയിൽ പോലീസ് നടത്തിയ ലഹരി മരുന്ന് വേട്ടയിൽ 12 ഗ്രാം എംഡിഎംഎയുമായി യുവാക്കൾ പിടിയിലായി. കൊല്ലം ഈസ്റ്റ് പോലീസാണ് പ്രതികളെ പിടികൂടിയത്. തിരുവനന്തപുരം ഇടവ ബിജു ഭവനിൽ രാജൻ മകൻ സജീവ്(28), തിരുവനന്തപുരം ഇടവ കമലാലയം വീട്ടിൽ ദിനേശൻ മകൻ ഡിപിൻ(29) എന്നിവരാണ് പിടിയിലായത്. കൊല്ലം ഈസ്റ്റ് പോലീസും ഡാൻസാഫ് സംഘവും സംയുക്തമായാണ് പരിശോധനനടത്തിയത്. കൊണ്ടയത്ത് ക്ഷേത്രത്തിന് സമീപത്ത് നിന്നുമാണ് ഇരുവരും പിടിയിലായത്. രഹസ്യ വിവരത്തിന്റെ അടിസ്ഥാനത്തിൽ പോലീസ് നടത്തിയ പരിശോധനയിൽ പ്ലാസ്റ്റിക്ക് കവറിനുള്ളിലാക്കി സൂക്ഷിച്ചിരുന്ന 12 ഗ്രാം എംഡിഎംഎ കണ്ടെടുക്കുകയായിരുന്നു.
കൊല്ലത്ത് 12 ഗ്രാം എംഡിഎംഎ യുമായി യുവാക്കൾ പോലീസ് പിടിയിൽ
