തിരുവനന്തപുരത്ത് കവടിയാർ സ്വദേശി കോളറ ബാധിച്ച് മരിച്ചു.കാർഷിക വകുപ്പിലെ മുൻ ഉദ്യോഗസ്ഥനാണ് കോളറ ബാധിച്ച് മരിച്ചത്. മരണാനന്തര രക്ത പരിശോധനയിലാണ് കോളറ ബാധിച്ചത് സ്ഥിരീകരിച്ചത്.
പനിബാധയെ തുടർന്ന് ഈ മാസം 17നാണ് സ്വകാര്യ ആശുപത്രിയിൽ പ്രവേശിപ്പിച്ചത്. തുടർന്ന് ആരോഗ്യനില വഷളായി, ഈ മാസം 20ന് ആശുപത്രിയിലായിരുന്നു മരണം. ബന്ധുക്കൾക്കോ പ്രദേശത്തോ മറ്റു കോളറ കേസുകൾ ഇതുവരെ റിപ്പോർട്ട് ചെയ്തിട്ടില്ല. നിലവിലെ സാഹചര്യത്തിൽ ആശങ്കപ്പെടേണ്ടതില്ലെന്ന് ആരോഗ്യവകുപ്പ് അറിയിച്ചു .
