തിരുവനന്തപുരം മെഡിക്കൽ കോളേജിൽ നിന്ന് ചാടിപ്പോയ പീഡനക്കേസ് പ്രതിയെ പിടികൂടി. കാഞ്ഞിരംകുളം പുല്ലുവിള സ്വദേശി വിനുവിനെയാണ് പിടികൂടിയത്. തിരുവനന്തപുരം സെൻട്രൽ ജയിലിൽ നിന്ന് ചികിത്സക്ക് എത്തിച്ചപ്പോഴായിരുന്നു ഇയാൾ രക്ഷപ്പെട്ടത്.
ഇന്ന് രാവിലെ 11 മണിക്കായിരുന്നു ഇയാളെ മെഡിക്കൽ കോളേജിൽ ചികിത്സക്കായി എത്തിച്ചത്. മെഡിക്കൽ കോളേജിൽ പ്രതികളുടെ ചികിത്സയ്ക്കായി പ്രത്യേക സെല്ല് തന്നെയുണ്ട്. ഇവിടെ നിന്നാണ് പോലീസിൻ്റെ കണ്ണ് വെട്ടിച്ച് ഇയാൾ പുറത്തുചാടിയത്.
തുടർന്ന് പോലീസ് നഗരത്തിലുടനീളം പരിശോധന നടത്തിയിരുന്നു. അങ്ങനെ ഏറെ നേരത്തെ തിരച്ചലിനുശേഷം ഇയാളെ മെഡിക്കൽ കോളേജിലെ സെല്ലിന് സമീപമുള്ള മരത്തിൻ്റെ ചുവട്ടിൽ ഒളിച്ചിരിക്കുന്നതായി കണ്ടെത്തുകയായിരുന്നു. ഇവിടെ നിന്നാണ് ജയിൽ അധികൃതർ ഇയാളെ പിടികൂടിയത്.
