കണ്ടവരുടെ മനസിൽ കൗതുകവും ഇഷ്ടവും തോന്നിയ അപൂർവ വീഡിയോയിൽ ഒന്നാണ് അടുത്തിടെ ഇൻസ്റ്റാഗ്രാമിൽ പങ്കുവച്ചത്. മൃഗങ്ങളുമായി ബന്ധപ്പെട്ട രസകരമായ വീഡിയോ കാണുന്ന അനേകായിരങ്ങളുണ്ട് സമൂഹമാധ്യമങ്ങളിൽ. നിരവധി വീഡിയോ സമൂഹമാധ്യമങ്ങളിൽ പങ്കുവയ്ക്കാറുമുണ്ട്. ഇതിൽ വന്യജീവികളും വളർത്തുമൃഗങ്ങളും ഉൾപ്പെടുന്നു.
പാണ്ടയുടെ തല മസാജ് ചെയ്യുന്ന വീഡിയോ നെറ്റിസൻസിനിടയിൽ തരംഗമായി മാറിയിരിക്കുന്നു. പാണ്ടയുടെ തല രണ്ടു കൈ കൊണ്ടും മസാജ് ചെയ്യുകയാണ് ഒരാൾ. പാണ്ട ശാന്തമായി ഇരിക്കുന്നതും മസാജ് അനുഭവിക്കുന്നതും ദൃശ്യങ്ങളിൽ കാണാം. മസാജിൻറെ സുഖത്തിൽ മയങ്ങിപ്പോകുന്നുണ്ട് പാണ്ട. ഉണർന്നിരിക്കാൻ ഇടയ്ക്കിടെ പാണ്ട മുഖം തടവുന്നതും കാണാം. മസാജിൽ പൂർണമായും ലയിച്ചിരിക്കുന്ന പാണ്ടയെ കാണാൻ മനോഹരമാണ്. ഇൻസ്റ്റഗ്രാമിൽ പങ്കുവച്ച റീൽ ആയിരക്കണക്കിന് ആളുകൾ കാണുകയും തങ്ങളുടെ ഇഷ്ടം രേഖപ്പെടുത്തുകയും പ്രതികരിക്കുകയും ചെയ്തിട്ടുണ്ട്.
