കെഎസ്ആർടിസിക്ക് വീണ്ടും സാമ്പത്തിക സഹായവുമായി സംസ്ഥാന സർക്കാർ.103.24 കോടി രൂപ കൂടി അനുവദിച്ചതായി ധനകാര്യ മന്ത്രി കെ എൻ ബാലഗോപാൽ അറിയിച്ചു.ഇതിൽ 73.24 കോടി രൂപ പെൻഷൻ വിതരണത്തിനും, 30 കോടി രൂപ മറ്റ് ആവശ്യങ്ങൾക്കുമായാണ് അനുവദിച്ചിട്ടുള്ളത്.
അഞ്ച് ആഴ്ചയിൽ 245.86 കോടി രൂപയാണ് കോർപറേഷന് സർക്കാർ സഹായമായി നൽകിയത്.ഈ സർക്കാരിന്റെ കാലത്ത് 6307 കോടിയോളം രൂപയാണ് കെഎസ്ആർടിസിക്ക് സർക്കാർ സഹായമായി അനുവദിച്ചത്. കഴിഞ്ഞ സാമ്പത്തിക വർഷം ആകെ 1612 കോടി രുപ നൽകി. ബജറ്റിൽ അനുവദിച്ചിരുന്ന 900 കോടി രൂപയ്ക്ക് പുറമെ 676 കോടി രൂപ അധികമായും ലഭ്യമാക്കി.
