ഉലകനായകൻ കമൽഹാസന്റെ വിഖ്യാതസിനിമ ഇന്ത്യൻ 2 ഒടിടിയിലേക്ക്. നെറ്റ്ഫ്‌ളിക്സിലൂടെയാണ് ചിത്രം തിയറ്ററിലെത്തുന്നത്. ഓഗസ്റ്റ് 9ന് ചിത്രം സ്ട്രീമിങ് ആരംഭിക്കും. നെറ്റ്ഫ്ളിക്‌സ് തന്നെയാണ് ഇതുസംബന്ധിച്ച് വാർത്തകൾ പുറത്തുവിട്ടത്. തമിഴ്, തെലുങ്ക്, മലയാളം കന്നഡ ഭാഷകളിലായിരിക്കും ചിത്രം എത്തുക. അതിനിടെ ഒടിടി ഡീലുമായി ബന്ധപ്പെട്ട് ചിത്രത്തിന്റെ നിർമാതാക്കളായ ലൈക പ്രൊഡക്ഷൻസും നെറ്റ്ഫ്ളിക്‌സും തമ്മിൽ തകർക്കം നിലനിൽക്കുന്നതായി വാർത്തകൾ വന്നിരുന്നു.
വൻ തുകയ്ക്കാണ് ചിത്രത്തിന്റെ ഒടിടി റൈറ്റ് നെറ്റ്ഫ്ളിക്‌സ് വാങ്ങിയത്. തിയറ്ററിൽ വിചാരിച്ച മുന്നേറ്റം നടത്താൻ ചിത്രത്തിന് ആകാതിരുന്നതോടെ നെറ്റ്ഫ്ളിക്‌സ് പണം തിരിച്ചുചോദിച്ചു എന്നായിരുന്നു വാർത്തകൾ.
