കാണാതായ വയോധികയെ മരിച്ച നിലയിൽ കണ്ടെത്തി

തൃശൂർ കൊണ്ടാഴിയിൽ നിന്നും 10 ദിവസം മുൻപ് കാണാതായ വയോധികയെ മരിച്ച നിലയിൽ കണ്ടെത്തി. കേരകകുന്ന് സ്വദേശിയായ തങ്കമ്മയെ (94) യെയാണ് മരിച്ച നിലയിൽ കണ്ടെത്തിയത്. കാണാതായതിനെ തുടർന്ന് ബന്ധുക്കൾ പഴയന്നൂർ പോലീസിൽ പരാതി നൽകിയിരുന്നു. മായന്നൂർ ഫോറസ്റ്റ് സ്റ്റേഷൻ പരിധിയിലെ വട്ടപ്പാറ വനത്തിൽ ആട് മേയ്‌ക്കാൻ പോയ ഇലവുങ്കൽ ജോസഫാണ് മൃതദേഹം കണ്ടെത്തിയത്. മൃതദേഹം തൃശൂർ മെഡിക്കൽ കോളേജിലേക്ക് മാറ്റി.