മൃഗങ്ങളോടുള്ള ക്രൂരത തടയല്‍ നിയമം പുനപരിശോധിക്കുവാന്‍ കേന്ദ്രസര്‍ക്കാര്‍. ഇതിനായി 61 ഭേദഗതികളാണ് നിയമത്തില്‍ കൊണ്ടുവരുന്നത്. മൃഗങ്ങളോട് ക്രൂരത കാണിച്ചാല്‍ മൂന്ന് വര്‍ഷം തടവും കൊല്ലുകയാണെങ്കില്‍ അഞ്ച് വര്‍ഷം തടവും ലഭിക്കും. ഇതുമായി ബന്ധപ്പെട്ട നിയമ ഭേദഗതി ബില്ലിന്റെ കരട് ഫിഷറീസ്, മൃഗസംരക്ഷണ, ക്ഷീര മന്ത്രിലയങ്ങള്‍ തയ്യാറാക്കി.
ഭേദഗതിയില്‍ കരട് ബില്‍ പരസ്യമാക്കി. ഡിസംബര്‍ ഏഴുവരെ മന്ത്രാലയം പൊതുജനാഭിപ്രായം തേടും. ബില്‍ പാര്‍ലമെന്‍റിന്‍റെ ശീതകാല സമ്മേളനത്തിലോ ബജറ്റ് സമ്മേളനത്തിലോ അവതരിപ്പിക്കും. ഒരു മൃഗത്തിന് ആജീവനാന്ത വൈകല്യത്തിനോ മരണത്തിനോ കാരണമായേക്കാവുന്ന പ്രവര്‍ത്തി എന്നാണ് നിര്‍വചിക്കുന്നത്.
ക്രൂരതയ്ക്ക് കുറഞ്ഞത് 50000 രൂപ പിഴ ശിക്ഷ ലഭിക്കും. അത് 75000വരെ ഉയര്‍ത്താം. അല്ലെങ്കില്‍ ചെലവ് ജുഡീഷ്യല്‍ മജിസ്‌ട്രേറ്റിന്റെ അധികാര പരിധിയിലുള്ള മൃഗ ഡോക്ടറുമായി ആലോചിച്ച് തീരുമാനിക്കാം എന്നാണ് ഭേദഗതി.
