‘ബസ് ഓൺ ഡിമാൻഡ്’ സർവീസ് ബിസിനസ് ബേ പ്രദേശത്തേക്ക് വ്യാപിപ്പിച്ചതായി ദുബായ് റോഡ്സ് ആൻഡ് ട്രാൻസ്‌പോർട് അതോറിറ്റി (RTA) അറിയിച്ചു. ഏതാണ്ട് ഒരു മാസത്തോളം നീണ്ട് നിന്ന പരീക്ഷണ ഓട്ടത്തിന് ശേഷമാണ് ഈ സർവീസ് ആരംഭിച്ചിരിക്കുന്നത്.എമിറേറ്റിലെ പ്രധാന ഇടങ്ങളിലേക്ക് കൂടുതൽ എളുപ്പത്തിൽ പൊതുഗതാഗത സൗകര്യങ്ങൾ ലഭ്യമാക്കുന്നത് ലക്ഷ്യമിട്ടും, പൊതുഗതാഗത മേഖലയെ ശക്തിപ്പെടുത്തുന്നത് ലക്ഷ്യമിട്ടുമാണ് ഈ നടപടി.
ദുബായിലെ നിരവധി കോർപ്പറേറ്റ് സ്ഥാപനങ്ങളും, വാണിജ്യ സ്ഥാപനങ്ങളും പ്രവർത്തിക്കുന്ന ബിസിനസ് ബേയിൽ ഇത്തരം ഒരു സേവനത്തിന്റെ വർധിച്ച് വരുന്ന ആവശ്യകത മുൻനിർത്തിയാണ് ‘ബസ് ഓൺ ഡിമാൻഡ്’ സർവീസ് ഈ മേഖലയിലേക്ക് വ്യാപിപ്പിച്ചിരിക്കുന്നത്.
ഈ ബസ് സേവനം ഉപയോഗിച്ച് കൊണ്ട് മേഖലയിലെ സ്ഥാപനങ്ങളിൽ പ്രവർത്തിക്കുന്നവർക്ക് ബിസിനസ് ബേ മെട്രോ സ്റ്റേഷനിലേക്ക് സുഗമമായി സഞ്ചരിക്കാവുന്നതാണ്. ദുബായ് ബസ് ഓൺ ഡിമാൻഡ് ആപ്പ് ഉപയോഗിച്ചാണ് ഈ സേവനം ലഭ്യമാക്കുന്നത്. ബിസിനസ് ബേയ്ക്ക് പുറമെ അൽ ബർഷ, അൽ നഹ്ദ, ദുബായ് സിലിക്കൺ ഒയാസിസ്‌ എന്നീ മേഖലകളിലും RTA ഈ സർവീസ് നടത്തുന്നുണ്ട്.
Dubai’s #RTA has expanded its ‘Bus on Demand’ service to Business Bay following a successful month-long trial, as per the planned roll-out of the initiative.
To read full news, visit https://t.co/d59n6xYb3x pic.twitter.com/jYBK0luDJi— RTA (@rta_dubai) April 25, 2024
