സംസ്ഥാനത്ത് പോളിങ് സമയം അവസാനിച്ചിട്ടും ബൂത്തുകളില്‍ വോട്ടര്‍മാരുടെ നീണ്ടനിര. കനത്ത വേനല്‍ച്ചൂടിനിടയിലും മികച്ച പോളിങ് ആണ് രേഖപ്പെടുത്തുന്നത്. ഒടുവിലെ കണക്കനുസരിച്ച് പോളിങ് 70.35%.
ഏറ്റവും കൂടുതല്‍ കണ്ണൂരിലാണ് 75.74ശതമാനം. ആലപ്പുഴയില്‍ 74.37 ശതമാനവും രേഖപ്പെടുത്തി. 63.35% രേഖപ്പെടുത്തിയ പത്തനംതിട്ടയിലും 65.88% രേഖപ്പെടുത്തിയ മാവേലിക്കരയിലും ആണ് പോളിങ് കുറവ്. മിക്ക ബൂത്തുകളിലും രാവിലെമുതല്‍ വോട്ടര്‍മാരുടെ നീണ്ടനിരയുണ്ട്. വോട്ടിങ് മെഷീന്‍ പണിമുടക്കിയത് ചിലയിടങ്ങളില്‍ പോളിങ് വൈകിപ്പിച്ചു.
വിവിധ മണ്ഡലങ്ങളിലെ പോളിങ്
തിരുവനന്തപുരം-66.43%
ആറ്റിങ്ങൽ-69.4%
കൊല്ലം-67.92%
പത്തനംതിട്ട-63.35%
മാവേലിക്കര-65.88%
ആലപ്പുഴ-74.37%
കോട്ടയം-65.59%
ഇടുക്കി-66.43%
എറണാകുളം-68.1%
ചാലക്കുടി-71.68%
തൃശൂർ-72.2%
പാലക്കാട്-72.68%
ആലത്തൂർ-72.66%
പൊന്നാനി-67.93%
മലപ്പുറം-71.68%
കോഴിക്കോട്-73.34%
വയനാട്-72.92%
വടകര-73.36%
കണ്ണൂർ-75.74%
കാസർഗോഡ്-74.28%
20 മണ്ഡലങ്ങളിലായി 194 സ്ഥാനാര്‍ഥികളാണ് ജനവിധി തേടുന്നത്. 2 കോടി 77 ലക്ഷത്തി 49,159 വോട്ടര്‍മാരാണ് ആകെയുള്ളത്.കൂടുതല്‍ വോട്ടര്‍മാര്‍ മലപ്പുറം മണ്ഡലത്തിലാണ്. ഇടുക്കിയിലാണ് കുറവ്.
