ഇന്‍സ്റ്റഗ്രാമം അടിമുടി മാറുകയാണ്. ഒട്ടേറെ പുതുമകളുമായാണ് ഇന്‍സ്റ്റഗ്രാമം വരുന്നത്. ഡയറക്ട് മെസേജിംഗ് സെക്ഷനുള്ളില്‍ ഫോട്ടോ എഡിറ്റിംഗ് അടക്കം സാധ്യമാകുന്ന ഫീച്ചറാണ് വരാൻ പോകുന്നത്. അടുത്തിടെ ഏറെ പുതിയ ഫീച്ചറുകളാവതരിപ്പിച്ച ഇന്‍സ്റ്റഗ്രാം പുതിയ അപ്‌ഡേഷനുകള്‍ കൊണ്ടു വരുന്നത് തുടരും എന്നാണ് മെറ്റ തരുന്ന സൂചന.
ഇന്‍സ്റ്റഗ്രാമിലെ മെസേജ് സെക്ഷനുള്ളില്‍ മെറ്റ ഫോട്ടോ എഡിറ്റിംഗും സ്റ്റിക്കര്‍ ക്രിയേഷനും അവതരിപ്പിക്കുകയാണ്. മെസേജായി അയക്കും മുമ്പ് ഡയറക്ട് മെസേജിംഗ് സെക്ഷനുള്ളില്‍ ഫോട്ടോയില്‍ എഡിറ്റിംഗ് സാധ്യമാകും. നിങ്ങളുടെ ലൈബ്രറിയിലുള്ള ചിത്രങ്ങള്‍ ഉപയോഗിച്ച് സ്റ്റിക്കറുകള്‍ ക്രിയേറ്റ് ചെയ്യാനും കഴിയും. നേരത്തെ, സ്റ്റോറീസ് കംബോസറില്‍ എത്തിയിട്ട് വേണമായിരുന്നു ചിത്രങ്ങള്‍ എഡിറ്റ് ചെയ്ത് സേവ് ചെയ്യാന്‍. ഇന്‍സ്റ്റ സ്റ്റോറീസില്‍ ലഭ്യമായിട്ടുള്ള എഡിറ്റിംഗ് ടൂളിന് സമാനമായ ഫീച്ചറാണ് ഇനി മുതല്‍ ഇന്‍സ്റ്റഗ്രാമിലെ ചാറ്റ് ബോക്‌സിലേക്കും വരുന്നത്. ഇമേജുകളില്‍ നിന്ന് സ്റ്റിക്കറുകള്‍ നിര്‍മിക്കാനുള്ള സംവിധാനം വാട്‌സ്ആപ്പില്‍ നിലവിലുള്ളതാണ്.
ഇത് മാത്രമല്ല, ഡയറക്ട് മെസേജുകളില്‍ ചാറ്റ് തീം ചേര്‍ക്കാനുള്ള സംവിധാനവും വരുന്നുണ്ട്. ഒപ്പം നോട്ട്‌സ് സെക്ഷനില്‍ ബേർത്തഡെ കേക്ക് ഐക്കണ്‍ ചേര്‍ക്കാനുള്ള ഫീച്ചറും വരും.
