യുഎഇയുടെ വിദേശവ്യാപാരം 2.2 ലക്ഷം കോടി ദിർഹമായി ഉയർന്നു
യുഎഇയുടെ വിദേശവ്യാപാരം 17% വർധിച്ച് 2.2 ലക്ഷം കോടി ദിർഹമായി ഉയർന്നു. കഴിഞ്ഞ വർഷം 2 ലക്ഷം കോടി ദിർഹമായിരുന്നു ലക്ഷ്യമിട്ടിരുന്നത്. വിദേശവ്യാപാരം 2 ലക്ഷം കോടി ദിർഹത്തിനു മുകളിൽ കടക്കുന്നതും ആദ്യമാണ്. എണ്ണയിതര വ്യാപാരം 28% വർധിച്ച് 1.91 ലക്ഷം കോടി ഉയർന്നു. വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂമിന്റെ അധ്യക്ഷതയിൽ ചേർന്ന മന്ത്രിസഭാ യോഗമാണ് വിദേശ വ്യാപാരത്തിൽ രാജ്യത്തിന്റെ മുന്നേറ്റം വിശദീകരിച്ചത്.
