കുറച്ചു നേരം വിശ്രമിക്കു…ഉറക്ക മത്സരവുമായി ദക്ഷിണ കൊറിയ
ദക്ഷിണ കൊറിയക്കാർ സിയോൾ നഗരത്തിൽ അടുത്തിടെ ഒരു മത്സരം സംഘടിപ്പിച്ചു. നൂറുകണക്കിന് പേരാണ് മത്സരത്തിൽ പങ്കെടുക്കാനെത്തിയത്. സ്വാഭാവികം..നമ്മളായാലും ഈ മത്സരത്തിൽ പങ്കെടുക്കും എന്നുറപ്പ്. അതെന്ത് മത്സരമാണെന്നല്ലെ? അതാണ് ഉറക്ക മത്സരം. അതേ, സ്ലീപ്പ്‍വെയർ ഒക്കെ ധരിച്ച് ആളുകൾ ഹാൻ റിവർ പാർക്കിൽ ഒരു മണിക്കൂറും 30 മിനിറ്റുമാണ് വിശ്രമിച്ചത്. എല്ലാമറന്ന് ഇങ്ങനെ ഉറങ്ങാൻ കിട്ടുന്നൊരു അവസരം ആരെങ്കിലും കളയുമോ? ജീവിതത്തിന്റെ രണ്ടറ്റം കൂട്ടിമുട്ടിക്കാനുള്ള ഓട്ടത്തിന്റെ ഇടയിൽ കൃത്യമായ ഇടവേളകളും വിശ്രമവും എടുക്കുന്നതിൻ്റെ പ്രാധാന്യത്തെ കുറിച്ച് അവബോധം സൃഷ്ടിക്കുന്നതിനാണ്…