ഒമാൻ ദേശീയ ദിനാഘോഷം ; സീബിലും ബർക്കയിലും വാഹനങ്ങൾ പാർക്ക് ചെയ്യുന്നതിൽ നിയന്ത്രണം
ദേശീയ ദിനാഘോഷത്തോടനുബന്ധിച്ച് തിങ്കളാഴ്ച സീബിലും ബർക്കയിലും വാഹനങ്ങൾ പാർക്ക് ചെയ്യുന്നതിന് അധികൃതർ നിയന്ത്രണം ഏർപ്പെടുത്തി. സീബ് വിലായത്തിലെ അൽ ബറക്ക പാലസ് റൗണ്ട് എബൗട്ട് മുതൽ ബർക്ക വിലായത്തിലെ ഹൽബൻ ഏരിയ വരെയുള്ള റോഡിന്റെ ഇരുവശങ്ങളിലുമാണ് താൽക്കാലികമായി പാർക്കിങ് നിരോധനം ഏർപ്പെടുത്തിയിരിക്കുന്നതെന്ന് ആർ.ഒ.പി പറഞ്ഞു. രാവിലെ എട്ട് മണി മുതൽ രാത്രി എട്ടുവരെയാണ് നിയന്ത്രണം. ഡ്രൈവർമാർ ഗതാഗത നിർദേശങ്ങൾ പാലിക്കണമെന്നും പൊതുതാൽപര്യങ്ങൾക്കായി പൊലീസുകാരുമായി സഹകരിക്കണമെന്നും ആർ.ഒ.പി ആവശ്യപ്പെട്ടു.
