വയനാട് ദുരന്ത ബാധിതരെ സഹായിക്കാൻ റിയാദ് ഒ ഐ സി സിയുടെ ബിരിയാണി ചലഞ്ച്
വയനാട് ദുരന്തത്തില്‍ സർവതും നഷ്ടപ്പെട്ടവര്‍ക്ക് കരുതലിൻ്റെ കരുത്തും കാരുണ്യത്തിൻ്റെ കരങ്ങളും ഒരുക്കുകയാണ് ഒ.ഐ.സി.സി റിയാദ് സെന്‍ട്രല്‍ കമ്മിറ്റി. കെ.പി.സി.സിയും രാഹുല്‍ ഗാന്ധിയും പ്രഖ്യാപിച്ച പുനരധിവാസ പദ്ധതികള്‍ക്ക് ധനം സമാഹരിക്കാന്‍ വെള്ളിയാഴ്ച റിയാദിൽ ബിരിയാണി ചാലഞ്ച് നടത്തും. റിയാദിലും പരിസര പ്രദേശങ്ങളിലും കഴിയുന്ന ആയിരക്കണക്കിന് മലയാളികളാണ് ബിരിയാണി ചാലഞ്ചുമായി കൈകോര്‍ക്കാന്‍ സന്നദ്ധരായി രംഗത്തുളളത്. വനിതാ വിഭാഗവും പ്രത്യേക കാമ്പയിനിലൂടെ ചാലഞ്ചില്‍ പങ്കെടുക്കാന്‍ രജിസ്‌ട്രേഷന്‍ തുടരുകയാണ്. 13 ജില്ലാകമ്മിറ്റികളുടെ നേതൃത്വത്തില്‍ ബിരിയാണി ചാലഞ്ചിൻ്റെ രജിസ്‌ട്രേഷൻ പുരോഗമിക്കുകയാണ്. വെളളിയാഴ്ച രാവിലെ ഒൻപത്…