മാസപ്പിറവി കണ്ടതായി വിവരം ലഭിക്കാത്തതിനാൽ ശഅ്ബാൻ മുപ്പത് പൂർത്തിയാക്കി നോമ്പ് മാർച്ച് 12 ന് ആരംഭിക്കുമെന്ന് ഹിലാൽ കമ്മിറ്റി അറിയിച്ചു. മാസപ്പിറവി കണ്ടതിനാൽ സൗദിയിൽ നാളെ (തിങ്കൾ) റംസാൻ വ്രതം ആരംഭിക്കും.
ഒമാൻ ഒഴികെയുള്ള ഗൾഫ് രാജ്യങ്ങളിൽ നാളെ വ്രതാരംഭം. മാസപ്പിറവി ദൃശ്യമായതിനെ തുടർന്നാണ് നാളെ റമളാൻ ഒന്നായി പ്രഖ്യാപിച്ചത്. അതേസമയം മാസപ്പിറവി ദൃശ്യമാകാത്ത സാഹചര്യത്തിൽ ഒമാനിൽ മാത്രം ശഅ്ബാൻ 30 പൂർത്തിയാക്കി ചൊവ്വാഴ്ചയാകും റമദാൻ ഒന്നെന്ന് അധികൃതർ അറിയിച്ചു സൌദി സുപ്രീം കോടതിയാണ് മാസപ്പിറവി കണ്ടതായി അറിയിച്ചത്. സൌദി അറേബ്യയിലെ ചാന്ദ്ര ദർശനം ആശ്രയിച്ച് നോമ്പും പെരുന്നാളും ഉറപ്പിക്കുന്ന രാജ്യങ്ങളിലും നാളെയാകും റമദാൻ ഒന്ന്.
റമദാൻ മാസപ്പിറവി നിര്‍ണയത്തിനുള്ള സുപ്രധാന സമിതി ഞായറാഴ്ച യോഗം ചേരും. മാസപ്പിറ കാണുന്നവര്‍ വാലി ഓഫിസുകളിലോ അതത് വിലായത്തുകളിലെ ബന്ധപ്പെട്ട കേന്ദ്രങ്ങളിലോ അറിയിക്കണമെന്ന് ഔഖാഫ്, മതകാര്യ മന്ത്രാലയം അറിയിച്ചു. രാജ്യത്ത് ഞായറാഴ്ച ശഅ്ബാന്‍ 29 ആണ്. ഞായറാഴ്ച മാസം കാണുകയാണെങ്കിൽ തിങ്കളാഴ്ചയായിരിക്കും റമദാൻ ഒന്ന്. ഇല്ലെങ്കിൽ ശഅ്ബാൻ 30 പൂർത്തിയാക്കി ചൊവ്വാഴ്ച റമദാൻ വ്രതം ആരംഭിക്കും. 24694400, 24644037, 24644070, 24695551, 24644004, 24644015 എന്നീ നമ്പറുകളിലും മാസപ്പിറവിയെക്കുറിച്ച് വിവരം അറിയിക്കാവുന്നതാണ്.
ശഅബാൻ 29 ആയ ഞയറാഴ്ച റമദാൻ മാസപ്പിറവി നിരീക്ഷിക്കണമെന്ന് യു.എ.ഇ മാസപ്പിറവി നിർണയസമിതി രാജ്യത്തെ വിശ്വാസികളോട് ആവശ്യപ്പെട്ടു. മാസപ്പിറവി ദർശിക്കുന്നവർ 02-6921166 എന്ന നമ്പറിൽ അറിയിക്കാനാണ് ആവശ്യപ്പെട്ടിട്ടുള്ളത്. മറ്റു ഗൾഫ് രാജ്യങ്ങളിലെന്ന പോലെ യു.എ.ഇയിലും തിങ്കളാഴ്ച റമദാൻ ഒന്നാകാൻ സാധ്യതയുള്ള ദിവസമാണ്. എന്നാൽ ഞായറാഴ്ച മാസപ്പിറവി കണ്ടില്ലെങ്കിൽ ചൊവ്വാഴ്ചയായിരിക്കും വ്രതാരംഭം. ഗ്രിഗേറിയൻ കലണ്ടറിനെക്കാൾ കുറഞ്ഞ ദിവസങ്ങൾ മാത്രമുള്ളതിനാൽ ഒരോ വർഷവും 10 മുതൽ 12 ദിവസം വരെ നേരത്തേയാണ് റമദാൻ എത്താറുള്ളത്. കഴിഞ്ഞ വർഷം മാർച്ച് അവസാനത്തിൽ…
റമദാൻ മാസത്തിലെ ബാങ്കുകളുടെ പ്രവർത്തന സമയം പ്രഖ്യാപിച്ച് കുവൈത്ത് സെൻട്രൽ ബാങ്ക്. രാവിലെ പത്ത് മുതൽ ഉച്ചക്ക് 1.30 വരെയായിരിക്കും പ്രവർത്തന സമയം. വിമാനത്താവളങ്ങളിലെ ബ്രാഞ്ചുകൾ 24 മണിക്കൂറും പ്രവർത്തിക്കും. വാണിജ്യ സമുച്ചയങ്ങളിലെ ശാഖകൾ രാവിലെ 11:00 മുതൽ 3:30 വരെയും വെള്ളിയാഴ്ചകളിൽ രാത്രി 8:00 മുതൽ 11:30 വരെയും പ്രവർത്തിക്കും. അതേസമയം, റമദാൻ മാസത്തിൽ കുവൈത്തിലെ ഇന്ത്യൻ എംബസിയുടെ ഔട്ട്സോഴ്സിങ് സെന്റർ സമയത്തിൽ മാറ്റം. ശനിയാഴ്ച മുതൽ വ്യാഴാഴ്ച വരെ രാവിലെ ഒമ്പതു മുതൽ ഉച്ചകഴിഞ്ഞ്…
ഇസ്ലാമിക കലണ്ടറിലെ ഒൻപതാം മാസമായ റമസാൻ ലോകത്തെങ്ങുമുള്ള മുസ്ലിങ്ങൾ പ്രഭാതം മുതൽ പ്രദോഷം വരെ വരെ ഉപവസിക്കുന്ന സമയമാണ്. റംസാൻ മാസം തുടങ്ങുമ്പോൾ തന്നെ ഇഫ്താർ ഒരുക്കങ്ങളാണ് പലരുടെയും മനസിൽ. പതിവ് ശീലങ്ങളിൽ നിന്ന് ഭക്ഷണരീതിയിലടക്കം മാറ്റമുണ്ടാകുമ്പോൾ ആരോഗ്യകാര്യത്തിൽ ശ്രദ്ധവേണമെന്ന് ഓർമിപ്പിച്ചിരിക്കുകയാണ് ലോകാരോഗ്യ സംഘടന. റംസാൻ വ്രതമെടുക്കുന്നവർക്കായി പ്രത്യേക മാര്‍ഗനിര്‍ദേശങ്ങളും ലോകാരോഗ്യ സംഘടന പുറത്തുവിട്ടു. മാര്‍ഗനിര്‍ദേശങ്ങള്‍ സമീകൃതാഹാരം: നോമ്പ് സമയത്ത് വിശ്വാസികള്‍ സമീകൃതാഹാരം കഴിക്കാന്‍ ശ്രദ്ധിക്കണം. നോമ്പ് തുറക്കുന്നതിന് മുമ്പോ ശേഷമോ അധികം വറുത്തതോ എണ്ണമയമുള്ളതോ ആയ…
റമദാന് വ്രതാരംഭത്തിന് മുന്നോടിയായി 735 തടവുകാരെ മോചിപ്പിക്കാന്‍ യു.എ.ഇ പ്രസിഡന്റ് ശൈഖ് മുഹമ്മദ് ബിന്‍ സായിദ് അൽ നഹ്യാന്‍ ഉത്തരവിട്ടു. തടവുകാർക്ക് മേല്‍ ചുമത്തിയ പിഴകള്‍ പ്രസിഡന്റ് ഏറ്റെടുത്ത് അടക്കുകയും ചെയ്യും. താരതമ്യേന ലഘുവായ കുറ്റകൃത്യങ്ങള്‍ ചെയ്തവരെയാണ് പ്രസിഡന്‍റിന്‍റെ നിര്‍ദേശപ്രകാരം ജയില്‍ മോചിതരാക്കുന്നത്. റമദാന് മാസം കുടുംബങ്ങള്‍ക്കൊപ്പം സമയം ചെലവിടാനും അവര്‍ക്കൊപ്പം വ്രതം അനുഷ്ഠിക്കാനുമൊക്കെ മോചിതരാവുന്ന തടവുകാര്‍ക്ക് ഇതിലൂടെ അവസരം ലഭിക്കും. കഴിഞ്ഞ വർഷം ദേശീയ ദിനത്തോടനുബന്ധിച്ച് 1,018 തടവുകാരെ മോചിപ്പിക്കാൻ പ്രസിഡന്റ് ഉത്തരവിട്ടിരുന്നു.
റമദാനെ വരവേൽക്കുന്നതിന് മുന്നോടിയായി ഇന്ത്യൻ ഇസ്ലാഹി സെൻറർ കേന്ദ്ര കമ്മിറ്റി സംഘടിപ്പിക്കുന്ന അഹ്ലൻ വ സഹ്ലൻ യാ റമദാൻ സംഗമം വെള്ളിയാഴ്ച. വൈകുന്നേരം 6.30 ന് ഫർവാനിയ പീസ് ഓഡിറ്റോറിയത്തിലാണ് പരിപാടി. സംഗമം ഔക്കാഫ് ജാലിയാത്തിലെ ശൈഖ് മുഹമ്മദ് അലി അബ്ദുല്ല ഉദ്ഘാടനം ചെയ്യും. സയ്യിദ് സുല്ലമി മുഖ്യ പ്രഭാഷണം നടത്തും. അബ്ദുന്നാസർ മുട്ടിൽ, ഷാനിബ് പേരാമ്പ്ര എന്നിവർ ക്ലാസുകളെടുക്കും. സംഗമത്തിലേക്ക് സ്ത്രീകൾക്ക് പ്രത്യേക സൗകര്യവും വിവിധ ഏരിയകളിൽ നിന്ന് വാഹന സൗകര്യവും ഒരുക്കിയിട്ടുണ്ട്.
റമദാനെ വരവേൽക്കുന്നതിനായുള്ള ഒരുക്കത്തിൽ മുഴുകി രാജ്യവും വിശ്വാസികളും. കുവൈത്തിൽ ഈ മാസം 11ന് റമദാൻ ആരംഭിക്കുമെന്നാണ് കണക്കുകൂട്ടൽ. റമദാന് മുന്നേ പഠനക്ലാസുകളും മുന്നൊരുക്കങ്ങളുമായി സംഘടനകളും കൂട്ടായ്മകളും വിവിധ പരിപാടികൾ സംഘടിപ്പിച്ചിരുന്നു. റമദാൻ ആരംഭിക്കുന്നതോടെ ഇഫ്താർ, കാരുണ്യ പ്രവർത്തനങ്ങൾ, പഠനക്ലാസ്സുകൾ,പ്രാർഥനകൾ എന്നിവയാൽ വിശ്വാസി സമൂഹം കൂടുതൽ സജീവമാകും. മതസംഘടനകൾ പ്രത്യേക ഉദ്ബോധന ക്ലാസുകളും മറ്റു പരിപാടികളും ആസൂത്രണം ചെയ്തിട്ടുണ്ട്. പരിപാടികളിൽ പ്രമുഖ പണ്ഡിതരും വാഗ്മികളും ക്ലാസ് നയിക്കും. രാജ്യത്തെ പള്ളികളിൽ ഇഫ്താറുകൾ, തറാവീഹ് നമസ്കാരങ്ങൾ, രാത്രി നമസ്കാരങ്ങൾ എന്നിവക്കായി…
റമദാൻ മാസത്തിൽ സർക്കാർ ഓഫിസുകളുടെയും, മന്ത്രാലയങ്ങളുടെയും പൊതു സ്ഥാപനങ്ങളുടെയും പ്രവൃത്തിസമയം പ്രഖ്യാപിച്ചു. രാവിലെ ഒമ്പത് മുതൽ ഉച്ചക്ക് രണ്ടുവരെയായിരിക്കും പ്രവൃത്തിസമയമെന്ന് കാബിനറ്റ്, നീതിന്യായ മന്ത്രി ഇബ്രാഹിം ബിൻ അലി അൽ മുഹന്നദി അറിയിച്ചു. ദിവസവം അഞ്ചു മണിക്കൂറായിരിക്കും എല്ലാ സർക്കാർ ഓഫിസുകളുടെയും പ്രവൃത്തിസമയം. വൈകിയെത്തുന്നവർക്ക് 10 മണിവരെ സമയം അനുവദിക്കും. എന്നാൽ, അഞ്ചു മണിക്കൂർ തൊഴിൽ സമയം പൂർത്തിയാക്കണം. ഇതോടൊപ്പം, ഒരു സ്ഥാപനത്തിലെ 30 ശതമാനം വരെ ജീവനക്കാർക്ക് വീട്ടിലിരുന്ന് ജോലി ചെയ്യാവുന്ന വർക് ഫ്രം ഹോം…
