ദുബൈയിൽ ‘പാർക്കിൻ’ കമ്പനി വരുന്നു; പാർക്കിങ് കാര്യങ്ങൾ ഇനി കമ്പനിക്ക്
ദുബൈയിൽ പൊതു-സ്വകാര്യ പാർക്കിങ് സ്ഥലങ്ങളുടെ നിയന്ത്രണവും മേൽനോട്ടവും നിർവഹിക്കാൻ പുതിയ സ്ഥാപനം രൂപവത്കരിച്ചു. ‘പാർക്കിൻ’ എന്ന പേരിലാണ് സ്ഥാപനം. പൂർണമായും സർക്കാർ ഉടമസ്ഥതയിലുള്ള കമ്പനിയായിരിക്കും’പാർക്കിൻ’. യു.എ.ഇ വൈസ് പ്രസിഡന്‍റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് ആൽ മക്തൂമാണ് പബ്ലിക് ജോയിന്‍റ് സ്റ്റോക് കമ്പനി ആയ ‘പാർക്കിൻ’ രൂപവത്കരിക്കാനുള്ള നിയമത്തിന് അംഗീകാരം നൽകിയത്. പൊതുപാർക്കിങ് ഇടങ്ങളുടെ നിർമാണം, ആസൂത്രണം, രൂപരേഖ തയ്യാറാക്കൽ, പ്രവർത്തനം, നിയന്ത്രണം എന്നിവ പുതിയ കമ്പനിയുടെ ചുമതലയാണ്. വ്യക്തികൾക്ക് പാർക്കിങ് പെർമിറ്റുകൾ…