പൊലീസിന്റേത് നരനായാട്ട്, കളളക്കേസെടുത്തും തല്ലിച്ചതച്ചും നിശബ്ദരാക്കാമെന്ന് കരുതേണ്ട, പ്രതിപക്ഷ നേതാവ് വി.ഡി സതീശൻ
ഇന്ന് സംസ്ഥാനത്തെ ജില്ലാ പൊലീസ് ആസ്ഥാനങ്ങളിലേക്ക് കോൺഗ്രസ് പ്രവർത്തകർ നടത്തിയ മാർച്ചിന് നേരെ പൊലീസ് നടത്തിയത് നരനായാട്ടെന്ന് പ്രതിപക്ഷ നേതാവ് വി.ഡി സതീശൻ. സ്ത്രീകൾ ഉൾപ്പടെയുള്ളവരെ പൊലീസ് തല്ലിച്ചതച്ചു. മുഖ്യമന്ത്രിയും സിപിഎമ്മിന്റെ ഇഷ്ടക്കാരും നടത്തുന്ന പകൽകൊള്ളയും കമ്മീഷൻ ഇടപാടുകളും അധികാര ദുർവിനിയോഗവും ചോദ്യം ചെയ്തതിലുള്ള വിരോധം തീർക്കുന്നതിന് വേണ്ടി പൊലീസിനെ ദുരുപയോഗം ചെയ്യുന്നത് നിയമ വിരുദ്ധമാണെന്ന് സതീശൻ പറഞ്ഞു. മുഖ്യമന്ത്രിയുടേയും സിപിഎമ്മിന്റേയും ഗുണ്ടാസംഘമായി പൊലീസ് സേനയിലെ ഒരു വിഭാഗം മാറുന്നത് മുഴുവൻ പൊലീസ് സേനയുടെ അന്തസിനെ കെടുത്തുമെന്നും…
