പ്രതിപക്ഷ കൂട്ടായ്മയ്ക്ക് പാട്രിയോട്ടിക് ഡെമോക്രാറ്റിക് അലയൻസ് എന്ന് പേരിട്ടേക്കും, ഷിംലയിലെ യോഗത്തിൽ അന്തിമതീരുമാനം
ബി.ജെ.പിക്കെതിരായ പ്രതിപക്ഷ കൂട്ടായ്മയ്ക്ക് പാട്രിയോട്ടിക് ഡെമോക്രാറ്റിക് അലയൻസ്(പി.ഡി.എ) എന്ന് പേരിട്ടേക്കും. ജൂലൈ രണ്ടാംവാരം ഷിംലയിൽ നടക്കുന്ന യോഗത്തിലായിരിക്കും പേര് അന്തിമമായി തീരുമാനിക്കുക. അതേസമയം, പ്രതിപക്ഷ കൂട്ടായ്മയ്‌ക്കെതിരായ വിമർശനത്തിന് ബി.ജെ.പി മൂർച്ചകൂട്ടിയിരിക്കുകയാണ്. ബി.ജെ.പി സഖ്യമായ എൻ.ഡി.എയ്ക്ക് ബദലായി കൂട്ടായ്മ പി.ഡി.എ എന്ന ചുരുക്കപ്പേരിൽ അറിയപ്പെടണമെന്നതാണ് നേതാക്കന്മാരുടെ ആഗ്രഹം. രാജ്യം നേരിടുന്ന വെല്ലുവിളികളെ ഇല്ലാതാക്കാൻ രാജ്യസ്‌നേഹികളുടെ കൂട്ടായ്മ എന്നാണ് പേരിലൂടെ ലക്ഷ്യംവയ്ക്കുന്നത്. സി.പി.ഐ ജനറൽ സെക്രട്ടറി ഡി. രാജയാണ് പട്‌ന യോഗത്തിൽ പേര് മുന്നോട്ടുവച്ചത്. പ്രതിപക്ഷമെന്നു വിളിക്കരുതെന്നും തങ്ങൾ രാജ്യസ്‌നേഹികളും…