സാഹിത്യത്തിനുള്ള നൊബേൽ പുരസ്കാരം പ്രഖ്യാപിച്ചു; പുരസ്കാരം നോർവീജിയൻ എഴുത്തുകാരൻ ജോൺ ഫസയ്ക്ക്
2023ലെ സാഹിത്യത്തിനുള്ള നൊബേൽ പുരസ്കാരം പ്രഖ്യാപിച്ചു നോർവീജിയൻ എഴുത്തുകാരൻ ജോൺ ഫസയ്ക്കാണ് പുരസ്കാരം.ഇക്കഴിഞ്ഞ തിങ്കളാഴ്ച വൈദ്യശാസ്ത്ര നൊബേലും ചൊവ്വാഴ്ച ഭൗതികശാസ്ത്ര നൊബേലും പ്രഖ്യാപിച്ചിരുന്നു. അതേസമയം സമാധാന നൊബേൽ വെള്ളിയാഴ്ചയും, സാമ്പത്തിക നൊബേൽ തിങ്കളാഴ്ചയുമാണ് പ്രഖ്യാപിക്കുക. പുരസ്കാര ജേതാക്കൾക്ക് ലഭിക്കുന്ന തുകയിൽ 10% വർധനവ് ഈ വർഷം നൊബേൽ ഫൗണ്ടേഷൻ വരുത്തിയിട്ടുണ്ട്. 18 കാരറ്റ് ഗോൾഡ് മെഡലും ഡിപ്ലോമ സർട്ടിഫിക്കറ്റും ഡിസംബറിൽ നടക്കുന്ന ചടങ്ങിൽ ജേതാക്കൾക്ക് ലഭിക്കും.
